Ji aliyê hin çalakvanên parêzgeha Siwêda agahî hatin dan li ser şehîdbûna 8 kesên sivîl di girtîgehên rejîmê de, piştî ku malbatên kesên binçavkirî bi mirina wan ji aliyê qeyda nûfûsê hatin agahdarkirin.
Tora News li ser zarê rêveberê Tora Siwêda 24, Nûr El-Ridwan ragihand ku pênc girtî ji wan 8 girtiyan ji xelkê Siwêda ne, ku ji aliyê îstîxbarata rêjîmê ve ji ber boçûnên wan cuda ji rêjîmê hatibûn binçavkirin.
El-Ridwan diyar kir ku hin di nav wan şehîdan de, zêdetir ji heşt salan di girtîgehan de ne, û tekez kir ku sê ji wan ji derveyî Siwêda ne û di zindzna navendî ya parêzgehê ji ber îşkence û mercên xerab yên girtina hatine kuştin.
Ku rejîma Esed li vê dumahîkê fêlbazî di fayilê girtiyan de kiriye, nemaze derbarê fayilê kesên hatine kuştin di bin îşkenceyê de, bi riya şandina lîsteyên mirinê bi navên wan kesên mirina di girtîgehan de ji bo qeydên nifûsê, ji bo wendakirina sedemên mirinê.
Berî niha jî, Tora Sûrî ya Mafên Mirovan ragihandibû ku nêzîkî 81652 welatiyên sûrî yên binçavkirî di girtîgehên rejîmê bi tenê de her ji adara 2011 heta Hezîrana 2018’an ve hatine kuştin, hevdem ku hejmara qurbaniyên mirina ji ber îşkenceya di nava girtîgehên rejîmê yên fermî û nehînê de di heman demê de gihiştine nêzîkî 13066 qurbaniyan.
Tê zanîn ku rejîma Esed di dema dawî de kar kiriye li ser qeydkirina navên girtiyan yên hatine kuştin di bin îşkenceyê de wek miriyan hatine nivîsandin di qeydên nûfûsê yên hemû parêzgehên Sûriyê de, bi taybetî jî yên hatine binçavkirin piştî destpêkirina şoreşa sûrî ji sala 2011’an ve.
Jêder: Ofîsa Ragihandina Hevbendiya Niştimanî ya Sûrî
