Duhî roja duşemê zarokek şehîd bû û jinek û car sivîl birîndar bûn bi sedema topbarankirina bajarokê “Kefr Nibl” li Idlib û du gundên li bakurê Hemayê u başûrê Idlibê bi top û mûşekan ji aliyê hêzên rejîma Esed û hevalbenda wê Rûsya.
Li gor çalakvanên deverê, gundê “Al-zekat” li bakurê Hemayê ji aliyê hêzên rejîmê yên li ser rêbenda “al-Terabi'” hat bombebarankirin, û bû sedema kuştina zarokekî, û ziyanên madî li mal û milkên welatiyên sivîl bûn.
Lê bajarokê “Kefr Nibul” ji aliyê hêzên Rûsya yên li derdora gundê “Qibiyat Abu al-Huda” û serbazgeha “al-Tama” bi mûşekan hatin topbarankirin, û bûne sedema birîndarbûna çar kesên sivîl, ji bo xalên pizîşkî yên nêzîk hatin rakirin.
Li gor çalakvanan, jinek ji gundê “al-Hebît” li başûrê Idlibê bi sivikî ji aliyê hêzên rejîmê yên li ser rêbenda “Brîdîj” li bakurê Hamayê birîndar bû, û ji aliyê tîmeke brevaniya sivîl ji bo xaleke pizîşkî ya nêzîkî gund hat veguhestin.
Herwiha bajarê “Kefir Zêta” û bajarokê “Mork” û “Al-Lataminah” û gundê “al-Cinabra” û “al-Sexir” û “al-Arbein” bi top û mûşekan ji aliyê çeperên hêzên rejîmê û Rûsyayê li bajarên “Halfâya” û “Soran” gundên “al-Cebîn” û ” Şêx Hedîd “û”Qibiyat al-Huda” hatin topbarankirin “, û bi bûne sedema hin ziyanên madî.
Tê zanîn ku parêzgeha carcaran ji aliyê hêzên rejîmê û Rûsyayê bi top û mûşekan tê topbarankirin, û dibe egera kuştin û birîndarbûna welatiyên sivîl, tevî ku navçe dikeve di çarçoveya peymana Rûsya û Tirkiya de, ya ji bo agirbestê li wê deverê.
Ji aliyê xwe ve, Hevbendiya Niştimanî ya hêzên şoreş û rikberiya Sûriyê armanckirina cihên nişteciyan ji aliyê hêzên rejîmê şermezar kiribû, û bang li civaka navnetewî kiribû ji bo rê li pêşiya hêzên rejîmê bigire û bi berpirsiyarî kar bike, ji bo sizadana berpirsên van binpêkirinan yên dibin di derheqa xelkê û zarokan de, û ev tawan bi tawanên şer bêne pesindkirin.
Jêder: Ofîsa Ragihandina Hevbendiya Niştimaniya Sûriyê/ Ajansa Smart
