Desteya serokatiya Encumana Niştimanî ya Kurd li Sûriyê ENKS roja Yekşemê 20-7-2019 li bajarê Qamişlo civatek li gel serokên xwecihiyên ENKS li darxist.
Di civatê de serokê Encumanê Siûd Elmele li ser rewşa siyasî ya girêdayî rewşa Sûriyê bi giştî û ya deverên Kurdî bi taybet axivî.
Di heman civatê de Elmele rola ENKS di nava desteyên rikberiyê de anî ziman, li gor daxuyaniya serokê xwecihiya Çilaxa Izedên Hesen ji malpera Hevbendiyê re û got “serokatiya ENKS doz li xwecihiyan kir karê xwe pêhtir aktîv bikin, û bi rola xwe di nav civakê de rabin”.
Hesen diyar kir ku di heman civatê de amadebûyan lidarxistina kongirê çaremîn yê ENKS gengeşe kirin.
Serokê xwecihiya Çilaxa bal kişand ku serokatiya ENKS bi alîkariya xwecihiyan dê di demeke nêzîk de hin simînarên gelêrî di rojên bê de li darxe.
Tê zanîn ku xwecihiyên Encumana Niştimanî ya Kurd li Sûriyê ENKS li bajar û bajarokên parêzgeha Hesekê; nûneratiya ENKS li deverên corbecor dikin.
Jêder: Ofîsa Ragihandinê ya Hevbendiya Niştimanî ya Sûrî
