Şeva buhûrî pevçûn di navbera hêzên Esed û milîşiyên piştgirên wî ji alîkî de û Odeya Artêşa Fetih Heleb ji aliyê din de çêbûn, têde şoreşgeran dikarîbûn careke din dest deynin ser hirşa Xan Toman ya gundewarê helebê yê başûr, di dema bombebarankirineke pir û himbiz de li ser deverinan ji bajarokê Xan El’esel li gundewarê Helebê yê başûrê rojava, her weha balfirên cengê yên Rûsî jî deverên pevçûnan topbaran dikirin.
Şoreşgeran jî tangeke hêzên Esed li derdora Xan Toman li gundewarê Helebê yê başûr bi mûşekeke arastekiriî armanc kir, di encamê de tang ji kar ket û agahî der barê ziyanan di nav endamên hêzên Esed de hene, û balafirên Rûsî jî êrîşên xwe careke din birin ser deverinan li bajarê Ezaz û bajarok û gundên Mari’h û Malkiyê û Mer’enaz yên gundewarê Helebê yê bakur.
Di heman demê de artêşa Tirkiyê baregehin rêxistina DAIŞê li ser sînorê Tirkiyê û Sûriyê armanc kirin, û pêşketina Feyleq Elşam li gundên Xezal û Bixîdîn û Xelfetlî yên nêzî sînor, di vê pêşketinê de şervanek ji wan birîndar bû ji encama teqîna mayîneke bin erdê ku DAIŞê li gundê Bixîdîn çandibû.
Û doh nêzî 15 sivîlan di bordûmanke Rûsî de li ser bajarokê Tadif û Heyan li gundewarê Helebê jiyana xwe jidest dan, û balafirên cengê yên Rûsî êrîşî Sûka Elhal li bajarokê Tadif li gundewarê Helebê yê rojhilat kirin, têde 10 sivîlan jiyana xwe ji dest dan û hejmarek birîndar bûn.
Her weha 5 sivîlan zarokeke keç jî di nav wan de heye di êrîşeke wek wê de li ser bajarokê Heyan li gundewarê Helebê yê bakur jiyana xwe jidest dan û şeşên din birîndar bûn, û agahî li ser çêbûna qurbaniyan ji encama bordûmana çekên asîmanî yên Rûsî ji bajarokên Me’iresta û Xan Wertiyan nehatine.
Her weha pênc sivîl ji encama ketina avêjtokên hawinê bi ser taxa Xalidiyê û Kolana Nîl de li bajarê Helebê birîndar bûn.
Jêder: Hevbendî