Şoreşger Li Helebê Pêşve Diçin Û Artêşa Îslamê Hêzên Esed Bi Bombebarankirina Şamê Tawanbar Dike

Şoreşgeran di Odeya operasiyonên Fetih Heleb de, parin ji Gundê Başkoyî li Gundewarê Helebê yê Bakur kontrol kirine. Ew jî di şerekî de bi amanca ku Gund kontrol bikin, Şoreşgeran bargehên hêzên Esed û çeteyên mezhebperest li Gund bi Mûşekên “Girad” û avêjtokên tangan amanc kirin. Di şer de bidehan ji hêzên Esed hatin kuştin û gelek ji wan bi bal herêma Sînaa de reviyan, û gelek alavên leşkerî jî têk çûn.
Gundê Başkoyî tê zanîn ko ew bargeha çeteyên Hizbullaha tirorist e, tev li çeteyên nandoz yên mezhebperest yên ko Îran wan tîne Sûriyê.
Di heman çaxî de Artêşa Islamê xwe ji avêjtokên bi ser şamê de hatine avêjtin bêrî kir, û Rêjîm bi amanckirina taxên Şamê tuhmetbar kir. Rêjîm dixwaze êrîşên xwe yên dijminane rewa bike, yên peyapey li ser Xûta Şamê bi teybetî li ser Dûma, bi amanca “koçkirina niştecihan da guherîneke dîmugrafî mezhebî li ser xaka Sûriyê pêk bîne.”
Artêşa Islamê di daxuyaniyeke xwe de li malpera xwe ya fermî belav kiriye got: avêjtok û mûşekên ko sivîlan li taxên Şamê amanc dikin, ji herêmên ko di bin destê Rêjîmê de ne li Çiyayê Qasiyûn û Herêma Sebûra li Gundewarê Şamê derdikevin.
Li gora ko jêderên nêzîkî Artêşa Islamê diyar kirine.
Jêder: Hevbendî