Terxankirina Milyonek Dolar Bo Penaberan Bo Rûbirûbûna Pêla Sermayê

Yekîneya Hevrêzkirina Piştgiriyê û Hikûmeta Sûrî ya Demkî milyonek dolar terxan kirin ji bo penaberên Sûrî yên di kampên dewletên Cîran de ji bo parastina wan ji pêla Sir û sermayê, bi pêkanîna odeyeka hevbeş bo “kontrolkirina qeyrana Zivistanê”  ya helmetek bi navê “destê germê” destpê kir.
Li gor daxuyaniya Xelîl Hilwanî berdevkê fermî yê bi navê “Odeya Kontrolkirina Kirîza Zivistanê” ku armanc ji vê hilmetê kêmkirina êş û azarên aware û penaberên di kampan de ye, bi rêka dabînkirina alavên serekî yên germkirinê ji Xêvet û cilûberg û sûtemeniyan, û da xuyanîkirin ku tîma kar ji berî sê rojan ve, yekemîn qûnax ragihandiye û dest bi belavkirina sûtemeniyên germkirinê kiriye (Dîzil-Gaz- ardû) li ser xêzanên pêwîstdar bi rêka pêşkêşkirina pîlêtên taybet bi nirxê (20 dolarê amerîkî) bo her xêzanekê.
Hilwanî diyar kir ku dabeşkirin bi rêka komeleyên sivîl yên xudan ezmûn di karê hawarçûnê de dibe, û amaje kir ku Odeya Qeyrana Zivistanê wê berdewamiyê di karê xwe de bo amarekirina pêdawîstiyên awarte û tengaviyan bike, û wê bizavan bo dabînkirina pêdawîstiyên penaberên Sûriyê yên rastî kawdanên seqayê yên dijwar dibin ji encama pêla sir û sermayê ya li ser deverê dibare bike.
Berdevkê odeya navborî bal kişand ku ev piştgirî bo tevaya kampan hatiye arastekirin bo xêvetgehên (Heleb-Idlib-Laziqiyê) li bakurê Sûriyê,û (Elbiqa’h- Ersal) li Libnanê, û (Der’a-Elqûnêtira) li başûrê Sûriyê, herwiha tevlî navçeyên dorpêçkirî li gundên Şamê û li başûrê wê û li Himusa dorpêçkirî, û amaje kir ku hejmara xêzanên sûdmend ji vê helmetê bi 40 hezar xêzanan tête texmînkirin.
Jêder: Hevbendî