Careke din durişmên li dijî rejîma Esed û hêzên ewlekariya wê li ser dîwaran li bajarê “El-Hirak” li Gundewarê Dera destpê kir, û naveroka wan durişmên nû ew bû ku xelkê Idlibê han didan li ser xweragiriyê, tevî rewşa zehmet ya ku herdû parêzgehên Dera û Idlibê têre derbas dibin.
Çalakvanan di rêya wan durişman re dilgiraniya xwe ji rewşê anîne ziman, herwiha di nava wan durişman de gef li hêzên rejîmê û hevalbendên wê li parêzgeha Dera û bajarê “El-Hirak” bi taybet xwarin.
Nivîsandinan amaje bi wê yekê kirine ku her kesê serderiyê ligel hêz û ewlekariya rejîmê bike, dê her tim ji aliyê tevgera şoreşgerî ya bêdeng armanckirî be, û ew amade ne ji bo pêkanîna êrîşên nû li dijî rejîma Esed li nava parêzgehê.
Şepêla xwepêşandan û nerazîbûnan li parêzgeha Dera jinûve dest pê kirbû, ku berya heşt salan ev bajar cihê çirûska yekem ya Şoreşa Sûriyê bû, ew jî piştî ku istixbarata Esed di dema dawî de helmeteke girtinê destpê kirbû, û bi dehan ciwan hatibûn girtin li bajarokê El-Misêfre li Gundewarê Rojhilat yê Derayê.
Hin çalakvanên xwecihî diyar kirbûn ku parêzgeh dê jinûve biteqe, bi sedema tundkirina hêzên ewlekariyê, û girtina ser malên sivîlan, herwiha helmeta girtinê ya bêserûber hejmarek ciwanên temenên wan yên leşkeriya neçar bû girtin, û hin kesên din ku ji bo leşkeriya yedek hatibûn birin, jibilî wan hejmarek endamên grûpên Artêşa Azad ya Sûriyê jî hatine girtin.
Ji aliyê xwe ve Hevbendiya Niştîmaniya Hêzên Şoreş û Dijberiya sûriyê da zanîn ku ew tişta ku li Dera dibe, ji encama fişara li ser welatiyan e ji aliyê hêzên ewlekariya Esed ve, û lêzêde kir ku teqîna rewşê di riwê rejîmê de li Dera ya di sala 2011an de dibe ku jinûve pêk were, bi sedema fişara ewlekarî ya ku welatiyên parêzgehê rastî tên.
Tê zanîn ku hêzên rejîmê, berya niha jî rastî çend êrîşan li Gundewarê parêzgeha Dera hatibûn, ya herî xuya jî kuştina serokê beşê polîsê bajarê “Newa”, yê berya çend rojan ji aliyê nenesan ve bi kilaşînkofan hatibû encamdan.
Jêder: Hevbendiya Niştşmaniay Sûriy/ Tora Beledî ya Nûçeyan