Tora Sûrî ya Mafên Mirovan, di rapora xwe ya îro duşembê derketî de, kuştina ne kêmtir ji 125 sivîlan li Sûriyê di heyva gulana borî de belge kiriye, û bal kişand ser ku bilindbûna hejmara qurbaniyan ji ber operasiyonên teqandina ji dûr de ye.
Û tora mafnasî anî ziman ku wê komelkujiyek û kuştina 8 kesan di bin îşkenceyên ku bêhtirê wan li ser destê rêjîma Esed bûn belge kirine.
Û got ku 26 zarok û 6 jinan di heyva borî de canê xwe ji dest dan, her weha 10 sivîl li ser destê hêzên rêjîmê di nav de 2 jin hatin kuştin, û sivîlek li ser destê hêzên Rûsiya hat kuştin.
Û raporê kuştina 3 sivîlan li ser destê Heyeet Tehrîr Elşam belge kir, û got ku milîsên PYD di ber kuştina 7 sivîlan de di nav de 2 zarok berpisyar in, û raporê kuştina 97 sivlan, di nav de 22 zarok û 3 jin, li ser destê aliyin din tomar kiriye.
Û raporê ji Encûmana Ewlehiyê daxwaza kartêkirinên bêtir kir, piştî derketina biryara 2254, û cextî li ser pêwîstiya rakirina doseya Sûriyê bo Dadgeha Tewanên Navdewletî û cezakirina tevaya kesên tevlî tewanan bûne kir, tevî rêjîma Rûsiya, piştî hat çespandin ku destê wê di pêkanîna tewanên cengê de heye.
Û raporê ji Nûnerê Navnetewî yê taybet bo Sûriyê, Geir Pedersen, xwest ku kesên tewanên cengê û komelkujî pêkanîne û bûne sedemên sereke di rûxandina lihevhatinên kêmkirina gurkirinê de şermezar bike.
Û raporê tekezî li ser vekirina lêpirsînan derbarê bûyerên hatine nîşankirin kir, û xwest kesên tevlî tewanan bûne bêne sizadan, û ji Rûsiya wek aliyekî dabînkar di danûstandinan de xwest ku nema bibe asteng li pêşiya serkeftina lihevhatinên kêmkirina şer .
Jêder: Ofîsa Ragihandinê ya Hevbendiya Niştimanî ya Sûrî