Çalakvanên sivîl û mafên mirovan û xebatkarên komîteyên civaka medenî, daxwaziya hin welatên alîkarên rejîma Beşar Esed di xirakirina xaniyên welatiyên Sûriyê ji bo beşdariya di avadanekirina Sûriyê de bi tiştekî kirêt dîtin û da zanîn ku bûne sedem li pişt bi dehan komkujiyên hovane û li pişt wêrankirina jêrxaneya welêt, dê wê çawa ew bibin hoste?!.
Di heman çarçoveyê de, Tora Sûrî ya Mafên Mirovan duhî roja sêşemê raportek li ser malpera xwe belav kir û têde daxwaza sepandina sizayan li ser kompaniyên Rûsyayê û Îranê kir û nehêlin beşdarî bibin di avadankirina Sûriyê de.
Tora Sûrî di raporta xwe de, binpêkirinên herî mezin ragihandin li ser mafên mirovan yên hatine pêkanîn ji aliyê hêzên Rûsyayê li Sûriyê, her ji 30’ê îlona 2015 heta 30’ê îlona 2018, bi kuştina 6239 kesên sivîl, di nav de 1804 zarok û 92 karmendên bijîşkî û karmendên bergiriya sivîl û 19 ji mediyakarên çapemeniyê.
Di raporê de diyar kiriye ku Rûsya, herî kêm ji bo 321 komkujiyan berpirsyar e, û 954 êrîşan li ser navendên girîng yên sivîl, di nav de 176 dibistan û 166 navendên pizîşkî û 55 êrîş li ser bazaran, tevlî 232 êrîş bi cebilxane deaktîv û 125 êrîş bi çekên incendiary, û koçberkirina nêzî 2.7 milyon kesî jii encamên êrîşên ji aliyê Hevpeymaniya Rûsya-Sûrî-Îranê.
Tora Sûrî di rapora xwe de got ku her welatek beşdar bibe di avadankirina Sûriyê hevdem ligel hebûna rejîma niha ya li Sûriyê, ew dibe piştgir ji rejîmê re û ji hemû tawanên wê re yên li dijî mirovahiyê hatine bikaranîn ji aliyê rejîmê di çend salên borî de.
Tora Sûrî di raporta xwe de berpirsiyariya tawanên li Sûriyê xistiye di sikora Tehran û Moskovayê de, û dûpat kiriye li ser pêwîstiya rawestandina piştgiriya Rûsyayê ji bo rejîmê, heger ew bixwaze beşdar bibe di pirosesa avadankirinê de, ji bo dîtina çareseriyeke siyasî li welêt ya bi “bandor”.
Tora navhatî piştrast kir ku her pêvajoyek ji bo avadankirinê, divê bi rêya çareseriyek siyasî bibe ya ku bibe fakter ji bo dabînkirina aramiya welêt, û diyar kir ku destpêkirina pêvajoya avadankirinê berî gihiştina çareseriya siyasî ya berfireh tê bi wateya berdewamiya şer û dirêjkirina jiyê ajawegeriyê di welêt de.
Jêder: Ofîsa Ragihandina Hevbendiya Niştimanî ya Sûriyê
