Toreya Sûrî ya Mafên Mirovan raporteke taybet derbarê çekên ku hêzên rijêma Esed û Rûsya û milîsên Îranî yên nijadperest dijî sivîlên bêçek li deverên herêma kêmkirina şer ya çaremîn li parêzgeha Idlib û Hemayê bikar anîne belav kir.
Û toreya mafnasî di rapora xwe dawî de got ku di navbera 26 nîsana îsal û ta 19ê vê heyva tebaxê, hêzên rijêmê û hevalbendên wê 3172 bermîlên teqîner bi kar anîne.
Herweha Toreya Sûrî got ku balafirên Rûsî û milîsên Îranî yên bi ser rijêma Esed ve, 22 dijminkariyên bi çekên goşeyî li ser devera “ kêmkirina şer” ya çaremîn li Idlib û gundewarê Hemayê pêk anîne.
Û toreyê amaje kir ku hêzên hevpeymaniya rijêmê û Rûsiya 20 dijminkariyên bi çekên şewitandinê, tevlî 7 dijminkariyên bi mûşekên bizmarî , û êrîşek bi çekên kîmawî pêkanîne.
Û raporê got ku hejmara qurbaniyên Sûrî ji encama dijminkariyên dubarekirî ji hêla hêzên rijêmê û Rûsya û milîsên nijadperest giha 843 sivîlan, 223 zarok di nav wan de hene.
Tê zanîn ku bombebarana giran a hêzên rijêmê û hevalbendên wê di dema dawî de li ser devera kêmkirina şer, bû sedema kuştina bi sedên sivîlên bêçek û derbiderbûna bidehên hezaran ji xelkên parêzgeha Idlib ya û Hemayê, û ruxandina jêrxaneya bingehîn li gundewarê herdû parêzgehan, nemaze xalên pizîşkî û dibistan.
Jêder: Nivîsgeha Ragihandinê ya Hevbendiya Niştimanî ya Sûrî
