Tora Sûrî ya mafên mirov got ku hêzên Esed hêjî berdewam in di pêkanîna tawanan di derheq karmendên pizîşkî de, û 33 karmendên pizîşkî di qonaxa nîv salaê ji ya bûrî de kuştine.
Tora Sûrî di raportek nû de gotiye ku ji aliyê wê ve kuştina 69 karmendên pizîşkî û endamên berevaniya sivîl di heyamê nîva yekê ji vê salê hatiye belge kirin, û balkişandiye ser ku 33 kes ji wan bi destê hêzên Esed û 16 bi destê hêzên Rûsiya û 4 li ser destê rêxistina DAIŞ hatine kuştin.
Herwiha Tora Sûrî berpirsyariya kuştina du kesan xist stûyî hêzên “QSD” her weha kesek din li ser destê hêzên Hevpeymaniya Navdewletî hatiye kuştin û 11 din ji aliyên nediyar hatine kuştin.
Di nav qurbaniyên ku bi destên rijêma Esed hatine kuştin Pizîşkek û 8 birînpêç ku di nav wan de dido jin in hene, her weha 9 çareserkarên bilez û 2 dermansaz hene, tevî karmendekî “Heyva Sor” û 9 karmendên berevaniya sivîl û 3 karmendên tîmên pizîşkî.
Û di heyamê çend heyvên bûrî de, bi dehan xestexane û xalên pizîşkî hatine armanc kirin, û piraniya nexweşxaneyên li gundewarê Hema û hin navçeyên gundewarê Idilib û Heleb ji encama wan êrîşan ji kar ketine, û amara sala bûrî ya qurbaniyên karmendên pizîşkî û berevaniya sivîl gihişt 167 kesî.
Tora mafê mirov di dawiya rapora xwe de, daxwaz ji encûmena asayîşa navdewletî kir ku bi berpirsyariya xwe ya yasayî û rewiştî li hember bûyerên Sûriyê rabe, ji kêmayî di parastina karmendên pizîşkî de, û daxwaz kir ku civaka navdewletî nemîne bitenê temeşevan û bêdeng li hember çemê xwînê yê ku rojane dirije, herwiha daxwaza şandina xwebexşan ji rêxistinên navdewletî kir ji bo li navçeyên aram kar bikin û bi erkê hawarhatina nexweşan rabin, nemaze piştî belgekirina gelek rewşên mirinê yên bi sedema kêmbûna karmendên pizîşkî.
Jêder: Ofîsa Ragihandina Hevbendiya Niştimanî / Wekalat
