Toreya Sûriyê ya mafê mirovan tekez kir ko di adara borî de gelek kirdeyên tawankarî derheqê sivîlan de pêkhatine, û bi taybetî li Xûta rojhelat ya ko ji hêla hêzên rêjîmê û Rûsa ve hatine amanckirin.
Toreyê di raporta xwe ya nû de diyar kir ko hêzên rêjîmê û yên Rûsya di ber kuştina 1006 sivîlan de berpirsiyar in, û bal kişand ser ko hêzên rêjîmê 203 zarok, û 186 jin, û 12 li bin êşkenceyê kuştine, û dibîne ku hêzên Rûsî berpirsiyar in di ber kuştina 92 kesan de, 46 ji nav wan zarok in û 14 jin in.
Û bal kişand ser ko asta tundûtûjiyê ji ya heyva sibata bûrî nekêmtir e, û Xûta rojhelat di pileya yekem de ye ji du mehan de, di nav hemû herêmên Sûrî de, ji ber 92% ji qurbaniyên sivîl ji wir in, ji dema operasiyon li ser Xûta dest pê kir.
Bi vê zêdebûnê hejmara şehîdan ji destpêka sala 2018 de giha 3404 şehîdan, û li gora toreyê, 80% ji wan bi destê rêjîmê û Rûsya hatine kuştin.
Raportê destnîşan kir ko 34 sivîl, zarokek û heft jin di nav wan de hene, bi destê milîtanên PYD di adarê de hatine kuştin, û 39 bi destê rêkxistinên tundrew, ku rêkxistina DAIŞ 30 sivîl ji wan kuştine û 6 zarok û 2 jin di nav wan de hene, her weha Desteya Tehîr Elşam 9 sivîl kuştine, 4 ji wan zarok in.
Jêder: Nivîsgeha ragehandina ya Hevbendiya Niştimanî
