Toreya Sûriyê ya mafên mirovan di raporteke xwe de duh înê kuştina 996 sivîlan li seranserî Sûriyê di heyva çêriya paşî de belgeh kiriye, 211 zarok û 113 jin di nava wan de hene, û 80% ji wan bi destê hêzên rêjîma Beşar Elesed û hevalbenda wê Rûsya hatine kuştin.
Di raporta toreyê de hatiye ko 503 sivîl ji wan bi destê hêzên rêjîmê, 74 ji wan zarok in û 51 jin in, û 9 kes ji wan bi işkenceyê hatine kuştin, hem jî 279 sivîl ku 95 ji wan zarok û 44 jin in, bi bombebarana asmanî ya Rûsî hatine kuştin, her weha 114 sivîl ku 16 ji wan zarok û 10 jin in bi destê rêkxistina Daişê.
Toreyê di raporta xwe de destnîşan kir ko 15 sivîl, zarokek û du jin di nav wan de hene, bi destê milîtanên Yekîtiya Dîmuqrat hatine kuştin, û 6 sivîl ji encama bomebarana furokên hêzên hevpeymanê di heyva borî de hatine kuştin.
Raportê kuştina 74 sivîlan tomar kiriye, ji nav wan 24 zarok û 5 jin in, an bi xendiqandinê di gemiyên koçberiyê de hatine kuştin an jî di bûyerên teqînan de yên ko toreyê nikarîbû nasnameya kujerên wan tekez bikira.
Hevpeymana Esed-Rûsya ev sê heyv in ku ew ên herî bêtir berpirsiyarên kuştina sivîlan e, û rêkxistina Daiş di pileya duyem de ye, û ev yekem care hejmara qurbaniyên sivîl yên bi destê hêzên hevpeymana navdewletî ji heyva Eylûla 2016ê ve ya herî kêm e.
Toreya Sûrî ji destpêka vê salê ve kuştina 10,034 sivîlan li Sûriyê bi destê aliyên kartêker li Sûriyê tomar kiriye, berê jî raportek di 26 çêriya paşî ya borî de belav kiriye, têde kuştina 24,746 mirovên regez mê li Sûriyê ji destpêka şoreşa Sûriyê ve adara 2011ê heta çêriya paşî ya vê salê belgeh kiriye.
Jêder: Nivîsgeha Ragihandinê ya Hevbendiya Niştimanî
