Îro, Nivîsîngeha têkiliyên derve ya ENKS’ê li Stembolê, bîranîna damezrandina yekemîn partiya kurdî li Sûriyê, ya bi navê Partiya Demokrata Kurdistanê bû vejand.
Bi vê helkeftê hejmarek gotar hatin pêşkêşkirin, di destpêkê de gotara ENKS’ê ji aliyê Loqman Bavê Nêçîrvan hat pêşkêşkirin, û têde li ser xaslet û rewştên nifşê destpêka damezirandinê û rola wan a serekî di xurtkirina têgiha netewî û avakirina tevgera kurdî de li Sûriyê axivî.
Herwiha peyva komîta herêmî ya PDK-S’ê ji aliyê Şêx Miheyedîn hat pêşkêşkirin, û têde bal kişand ser pesindana rola nifşê destpêkê.
Paşî berêz Newzad Yeşêl bax, peyva Partiya Demokrata kurdistanê li Tirkiyê pêşkêş kir, û berêz Mistefa Oz çîlik peyva Partiya Azadî ya kurdistana Tirkiyê pêşkêş kir, û têde bi dirêjahî li ser rola herdu têkoşer Osman Sebrî û têkoşer Nûredîn Zaza û hevalên wan di wê serdema dîrokî de axivî, ku bi rastî du stêrên geş in di ber doza kurdî de di esmanê kurdistanê de.
Herwiha peyva Partiya Mafê kurd ya li Tirkiyê ji aliyê Mistefa Îtac, û peyva Yekîtiya xwendekar û ciwanên demokrata kurdistanê ji aliyê Mes’ûd Got hatin pêşkêşkirin.
Hêjayê gotinê ye ku Partiya Demokrata Kurdistanê di 14 cehzerana 1957 an de wek yekemîn rêxistina siyasî ya kurd li Sûriyê hat damezrandin.
Jêder: Hevbendî
