Wezîrê Tendiristiyê yê Desthilata Sûriyê ya demkî Mihemed Fîras Elcindî, tekez dike ko tîmên Desthilatê amade ne bo pêşwaziya derbiderên ko ji bajarê Helebê derketine bikin, û dikarin pêdiviyên wan dabîn bikin.
Elcindî di daxuyaniyeke taybet de îro got”Komîteke Desthilatê ya Awarteyan heye, hatiye damezirandin ji bo bi karûbarê koçberên Helebê rabe, yên bi kotekî derketine piştî êrîşa leşkerî ya hovane ya mal û milk û avahiyên niştecihan amanc kirine. ”
Elcindî diyar kir ko Desthilat babetê derbideran digel Encûmenên xwecihî yên parêzgehan yên ko bo karûbarên derbideran terxan bûne dişopîne. Û bêtir got ko em danûstandinê bi rêkxistinên xwecihî û yên navndewletî re dikin, da pêdiviyên derbiderên Helebê dabîn bikin, û kar bi rêkxistin bibe da bêtirîn alîkarî li wan belav bibin.
Niştecihên Helebê bibal bajarê Idlib ve piştî dorpêçkirina sê mehan ya digel bombebaraneke bêserûber bi hemû cûreyên çekên qedexeya navdewletî koçber bûne. Û serokê Hevbendiya Niştimanî Sûrî di nameyekê de ji emîndarê giştî yê Netewên Yekbûyî û 25 dewletan û rêkxistinên din re şembiya derbasbûyî şand, dibîne ko derkirina sivîlan ji taxên Helebê operasiyoneke koçkirina kotekî ye, û li gora yasaya navdewletî tawana cengê ye. Û got ku wan peyman pejirand ji bo saxlemiya sivîlan dabîn bikin, û daxwaz kir ko pêrabûnên yekser bikin tako sivîl li Helebê bêne parastin.
Her weha roja înê serokê desthilata demkî Cewad Ebû Heteb, serdana birîndar û nexweşên ji bajêr koçkirî kir, di heman dema rawestandina derketina sivîlan bi sedema ko rêjîm û Îran cîbicîkirina peymanê asteng dikin.
Ebû Heteb diyar kir ko nexweşxaneyên bajarê Idlib û nexweşxaneyên sînordaş ligel Tirkiyê pêşwaziya 170 birîndarî kirine, û tê texmînkirin ko hejmara tekûz dê di navbera 800-1000 birîndarî de be.
Jêder: Nivîsgeha Ragihandinê ya Hevbendiya Niştimanî
