Wezîrê karûbarê derve yê Birîtanî, wezîrê dewletê yê karûbarê geşepêdana navdewletî, Alîster Bêrt, duhî çarşembê nîgeraniya welatê xwe derbarê çalakiyên hizbull yên aramiya herêmê têk didin aşkere kir.
Di daxuyaniyên ko wezîrê Birîtanî li Beyrûtê anîne ziman, tekez kir ko serdana wî ji Libanê re di çaxekî giring de hatiye, ko di hefteya bûrî de desthilata Birîtanî aliyê siyasî yê hizbulla ragehand.
Wezîrê Birîtanî destnîşan kir ko ‘’ Birîtanya biryarek da bi qedexekirina hizbulla bi sedemekê ko ew nikare navbera herdu aliyên siyasî û yê leşkerî cuda bike.‘’
Rawêjkarê desteya siyasî ya Hevbendiya Niştimanî ya Hêzên Şoreşê û Rikberiya Sûriyê Riyad Elhesen, xweşhaliya xwe bi biryara desthilata Birîtanî da, û daxwaz ji Yekîtiya Ewropî kir ko di heman pêvajoyê de biçe.
Elhesen got ku milîtanên hizbullah rola wan ya aşkere di alîkariya rêjîmê de heye û piştgiriya endamên wê kiriye, û bi sedhezaran sivîl kuştine û niştecih ji gund û bajarên wan derbider kirine, ji gava têwerdana xwe ji bajarê Elqisêr li gundewarê Humsê sala 2013ê ragehandin, û bal kişand ser ko ew ‘’ di feramana aliyê siyasî yê hizbullah de hatiye, ko kursiyên desthilata libnanî û yên encûmena cîgiran standiye, û di rêya dezgehên fermî de tiroristiya xwe bikar tîne.‘’
Û tekez kir ku giring e hemû pêrabûn derheqê wan milîtanên ko ji îranê piştgirtî ne bêne kirin, ew dê di berjewendiya herêmê û pirosêsa siyasî de be, û Netewên Yekgirtî çareseriya siyasî li Sûriyê dike, li gora biryarên navdewletî wek daxuyaniya Cinêvê û biryara 2254ê tête çavdêrîkirin.
Jêder: Ofêsa Ragehandinê ya Hevbendiya Niştimanî