Parastina Sivîl ya Sûrî duh roja yekşemê şîna xwebexşkarekî xwe ragihand, û got ku ew ji encama êrîşeke asmanî ya Rûsî şehîd ket, dema hewila dida birîndaran ji bo xala bijîjkî ya li gundê “Basika” li gundewarê başûrê rojavayê Idlibê veguhêze, hevdem ligel bombebaraneke dijwar li ser 29 xalên gundewarê Idlib û Hemayê, û bû sedema bi dehên şehîd û birîndaran.
Parastina Sivîl bal kişand ku xwebexşkar “Younis Baloz” canê xwe ji bo karê mirovahî pêşkêş kir, û got ku “wî hewl dida alîkariya xelkê bike, piştî êrîşên asmanî, ji bo rizgarkirina birîndaran ji binê kavilên herftî , û gelek ked pêşkêş kir”.
Her weha ji aliyê çalakvanan, şehîdketina pizîşkê hewarçûnê Mihemed Mişnin yê 29 salî, û ajokarê ambûlansa sîstema “Sams” “Fadî al-Omar” yê 34 salî bi êrîşeke asmanî ya Rûsî li ser gundewarê Hemayê hat ragihandin.
Medyaya xwecihî ragihand ku oparesyonên bombebaranê di van du rojên dawî de gelekî dijwar bûn, û gelek kes birîndar bûn, hejmareke mezin ji zarok û jinan di nav de hebûn, bi armanca neçarkirina çekdarên Artêşa Sûrî ya Azad li ser paşketinê.
Hejmara êrîşan li ser gundewarê ldlibê li roja yekşemê li gorî parastina sivîl, gihişt 88 êrîşan, di nav de 45 êrîşên asmanî ji hêla balafirên Rûsî, ji wan 36 êrîş li ser bajarokê “Tamanea”, tevî 51 bermîlên teqîner, û 506 roketên top û roketavêjan ji wan 245 rokêt li ser bajarokê “Tamanea” û 90 li ser bajarokê “Xanşîxon”.
Hevbendiya Niştimanî ya hêzên şoreş û rikberiya Sûrî hişyarî da ji bobelateke nû li tevaya welatên deverê û cîhanê, û daxwaza karên cidî û navnetewî kir, ji bo rawestandina operasyonên leşkerî û alîkirina mirovên koçber û hewcedarên li deverên bombebarankirî.
Jêder: Ofîsa Ragihandina Hevbendiya Niştimanî Sûrî
