Encumana Xwecihî ya Kobanê ya bi ser Encumana Niştimanî ya Kurd ve, civînek li dar xist, têde biryara despêkirina helbijartinan ji bo beşdarbûnê di kongirê sêyemîn yê ENKSe da.
Yeşar Elî endemê Encumana Xwecihî ya Kobanê ji me re got ku “piştî gotûbêjên li ser mîkanîzmên hilbijartinên kesên serbixwe û jin û xortan biryara li darxistina hilbijartinan hete dan”.
Li ser rewşa kobanê û çawaniya lidarxistina hibijartinan Elî diyar kir ku” Rewşa Kobanê taybet e, ji ber ku piraniya xelkên wê koçber in, lê tevlî vê rewşê emê hilbijartinên xwe bi rengekî demuqratîk û li gor lîsta hilbijirtanan ya ku ENKSe destnîşan kiriye lidar bixin”
Elî nîşan da ku wê 9 kesên serbixwe , 4 xort û 2 jin bên helbijartin, ango bi tevayî 15 kes nûnertiya Kobanê bikin ji bilî nûnerên partiyan, ku ji her partiyekê re 8 nûner in ew patî wan ji tevaya herêman dastnîşan dike.
Elî li ser zehmetbûna rê axivî û got “wê derbasbûna endamên beşdar di kongir de dijwar be, ger li bajarê Qamişlo be, ji ber ku rê di navbera Kobanê û Qamişlo de girtî ye, lewra endamên Xwecihiya Kobanê neçar in ku derbasî Turkiyê bibin û jê derbsî Qamişlo bibin”.
Hêjaye bîranînê ku 11ê Hezêranê ji bo li darxistina kongir hatiye destnîşankirin.
Jêder: Hevbendî
