Îro li roja înê çend xwenîşandan li parêzgehên Idlib û Helebê derketin li dijî axaftinên nûnerê Netewên Yekbûyî yê ji bo Sûriyê, Staffan De Mistura, û herwiha li dijî amadekarî û propagandaya rejîma Esed û hevalbenda wê Rûsiya, ya li ser pêkanîna oparesyoneke leşkerî li dijî bakurê Sûriyê.
Xwepêşandan ji aliyê çalakvanan ve li zêdetir ji bîst xalan li navçeyên Idlib û Helebê derketin, û ala şoreşê ji aliyê xwenîşanderan hat bilindkirin, û dan zanîn ku ew li ser armancên şoreşê û xebata xwe berdewam in heta serketinê, bi gotina sloganên li dijî daxuyaniyên De Mistura, wek: “De Mistura Heleb firot û rê li ber bi Idlib vekir”.
Xwenîşandan hatin yekser piştî daxuyaniyên De Mistura yên dawîyê, ku wî gotibû divê korîdoreke însanî ji bo derkrtina nêzîkî çar milyon sivîlên parêzgeha Idlibê dabîn bibe, û ev daxuyanî bi vî awayî dibe fakter ji bo valakirina herêmê, û temamkirina plana rejîmê ya ji bo koçberiya bi darê zorê û guhertina demografî.
Xwenîşanderan ragihand, ku de Mistura bi awayê ne şermezarkirina rejîma Esed û bikaranîna wê ji çekên kîmyayî re 216 caran li navçeyên cuda cuda, careke din propagandayê dike ji bo gefa bikaranîna çekên kîmyayî li Idlibê.
Ji aliyê xwe ve, endamê desteya siyasî ya Hevbendiya Niştimanî ya hêzên şoreş û rikberiya Sûriyê Ehmed Remezan, li ser Twitter rexne li daxuyaniyên nûnerê Netewên Yekbûyî ji bo Sûriyê Staffan De Mistura girtin, ku di axiftina xwe de bal kişandiye li ser koçberbûna nêzîkî çar milyon sivîlî ji parêzgeha Idlibê, û daxwaza destjikarkêşana wî kiribû.
Remezan got ku De Mistura bikaranîna rejîmê 216 caran ji çekên kîmyayî re û herwiha kuştina 20 hezar kesên hatin binçavkirin di bin îşkenceyê de ji 95 hezar windayên bi darê zorê şermezar nekir, û niha behsa korîdora însanî ji bo derxistina sivîlan ji Idlibê dike, li şûna dîtina mekanîzmekê ji bo pêşîlêgirtina êrîşan.
Di vê çarçoveyê de, Konseya Îslamî ya Sûriyê di daxuyaniyekê de bang ji bo yekrêziyê kir, ji bo rûbirûbûna êrîşên Rûsan û El-Esed, û diyar kir ku ew kesê tevlî rêzên dijmin dibe yan jî hevpeymaniyê ligel dike û dibe destek ji bo berjewendiya dagirkerê biyanî, û ligel serbazên Esed tê şerê Idlibê, ew jî dibe wek serbazên Beşar El-Esed, û divê aliyên leşkerî yekrêz û hevkar bin dijî êrîşên Rûsiya û Esed.
Bajarê Idlibê kombûna herî mezin a mirovan li bakurê Sûriyê ye, piraniya xelkê wê di konan de dijîn, bi nebûna sadetirîn pêwîstiyên mirovî, û parêzgeha Idlibê ji çend hefteyan ve ketiye ber gef û êrîşên hêzên rejîma Esed û hevalbenda wî Rûsiya, hevdem ligel bêdengiya civaka navdewletî bi carekî li hemberî çarenivîsa nediyar ya xelkê sivîl, dema rejîm û Rûsiya dest bi êrîşan li ser parêzgehê bikin. Jêder: Ofîsa Ragihandina Hevbendiya Niştîmanî ya Sûriyê
