Çend wepêşandanên cuda li gundewarê rojhilatê Dêrazorê û Reqayê, bi beşdarbûna bi sedên welatiyan lidar ketin, ji bo şermezarkirina rêkeftina di navbera milîsên PYD û rejima Esed de, û redkirina têketina milîsên rejima Esed û Iranê li deverên wan.
Hin torên medya herêmî wêneyên xwepêşandanên bajar û bajarokên cuda belav kirin, bi bilindkirina pankartan ji bo rûxandina rêjîmê, û piştrastkirina prensîbên şoreşa Sûrî.
Li ser pankartekê hatibû nivîsandin “Em hatina rejîmê û milîsên Iranê li nav deverên xwe red dikin û em ê bi her awayî li dijî wan şer bikin”, û pankarteke din “Dêrazorê Esad red dike”.
Li gorî tora Dêrazor24, xwepêşandan “bi girseyî” ne, û tê de gelek dever hene, di nav de “Şi’êtat” û gereka bajarê pîşesazî ya li rojhilatê gundewarê Dêrazorê.
Li gorî tora “Furat Post” ku xwepêşandanek li bajarê “Hecîn” jî, piştî nimêja înê, li dijî têketina rêjîmê û Iranê li nav deverê derket.
Hevdem ku li parêzgeha Dêrazorê di heyama borî de hin xwepêşandan li dijî binpêkirinên milîsên PYD derketin, di heman demê de li dijî milîsên Iranê û hêzên rejîmê.
Jêder: Ofisa Ragihandina Hevbendiya Niştimanî Sûrî