Bidehan sivîlên bajarê Deraayê , doh înê, xwepêşandanek rêxistin kirin, tê de daxwaza serbestberdana girtiyên di zindanên rijêma Esed de kirin, û piştgiriya xwe ji herdû parêzgehên Idlib û Hemayê re diyar kirin, ji ber êrîşên li dijî wan dibin ji aliyê Rûsya û rêjîmê ve.
Û bidehan kes nêzî mizgefta Omerî li Deraa Albeled piştî nimêja Înê civiyan, paş re li kolanên bajêr meşiyan, û daxwaza serbestberdana girtiyan û rawestandina binpêkirinên dijî sivîlan kirin.
Xwepêşanderan di rawestana xwe de pankert bilind kiribûn li ser hinan ji wan hatibûn nivîsandin: “ Idlibê, Deraa heta mirinê bi te re ye”, “Hemayê, Deraa Albeled heta mirinê bi te re ye”, “Sarût, pakrewanê Sûryê, dilovaniya xwedê bo te, em te ji bîr nakin”.
Û bidehan sivîl roja duşemba bûrî jî derketibûn du xwepêşandanên cuda ji hev, yek jê li Deraa Albeldê bû, û ya din li ser riya bendavê bû li bajarê Deraa, û xwepêşanderan di yekê ji wan de siloganên şoreşê û ala wê bilin kiribûn. Tevlî ku ew dever di bin kontrola rijêmê jî de ye.
Her weha di hefteyên bûrî de jî, xwepêşandanên pirotestokirina tewanên rijêma Esed û piştgirên wê li Deraa Albeled derketibûn, tê de xwepêşanderan tekezî li ser berdewamiya derketina xwepêşandanan kirin, tevlî astengiyên tund ên hêzên ewlekariyê.
Jêder: Ofisa Ragihandina Hevbendiya Niştimanî ya Sûrî
