Sivîlan vê înê careke din bizava xwepêşandanan li çend bajar û bajarokên Sûriyê nû kirin, û têde carek din daxwaza ruxandina rijêma Esed û jinavbirina rêxistina Elqa’îde kirin, û hevxemiya xwe nîşan dan ligel bergiriya sivîl derbarê şehîdbûna karmendên wê li heftiya bûrî ji encama karekî terorîstî li dijî navanda wê li bajarê Sirmîn yê li gundewarê Idlibê.
Xwepêşender li bin navê “Îna Şehîdên Mirovîniyê” derketin ji bo tekezkirina piştgiriya xwe ji bergiriya sivîl re ya kar ji bo rizgarkirina giyanê sivîlan li navçeyên rizgarkirî dike.
Îro xwepêşanderên herdu bajarên Mi’eret elini’man û Has li gundewarê Idlibê tekezî li ser giringiya bidawîkirina rijêma Esed kirin wek daxwazek serekî bo her çareseriyekê di paşerojê de, herwiha daxwaza yekrêziya artêşa azad ya Sûrî û derxistina rêxistina Elqaî’de ji parêzgeha Idlibê kirin.
Û xwepêşandanek li bajarê Seraqib derket û têde kiryara terorîstî li dijî bergirya sivîl hat şermezarkirin, û hevxemiya xwe ligel malbatên şehîdan tekez kirin û daxwaza girtin û dadgehkirina tawankaran kirin, û tekezî li ser giringiya derxistina bi yekcarî ji rêxistina Elqaî’de re kirin.
Û xwepêşanderan li kampa Otma li gundewarê Idlibê derketin ji bo dijberiya rijêma Esed û milîsên bûne sedema koçbarkirinê, daxwaza yekrêziya hêzên artêşa azad kirin û piştgiriya xwe ligel qurbaniyên bergiriya sivîl tekez kirin, û bi dehan kes li Teblîsê li gundewarê Himusê û li Hirak li Dera derketin xwepêşandanan û tekezî li ser berdewamiya bizavên şoreşgerî û dabînkirina daxwazên gelê Sûriyê kirin.
Hêjayê gotinê ku li çend heftiyên bûrî, carek din sivîl li çend bajarên Sûriyê vegeriyan xwepêşandanan, û têde dubare cext li ser çûna Esed û dadgehkirina tawankarên şer yên tawan derheqê gelê sûriyê pêkanîne kirin.
Jêder: Ofîsa Ragihandina Hevbendiya Niştimanî