Di bin navê “Em Dikarin” di 1 vê heyva Adarê de, Yekemîn maratona jibo kesên Kêm Endam li bajarê Efrînê bi daxwaza Tora Eleman bi alîkariya komela Melek ya bi karû barên sêwiyan û kesên kêm endam radibe li dar ket, 50 kes ji zarok ,jin û mêran beşdar bûn .
Derbarê armanca vê çalakiyê rêvebirê Komela Melek Ehmed Bekir da xuyakirin “ev çalakî ji bo ku kesên kêm endam tevlî civakê bibin, û çanda werzişê bê belavkirin li dar ket, her weha ev çalakî bangek e li saziyên mirovahî da ku alîkariya zarok û kesên kêm endam bikin”.
Her wiha Bekir nîşan da ku “em wek komele li gor derfetên xwe hewildidin ku alîkaiya zarokên sêwî û kesên kêm endam bikin”
Ji hêla xwe ve Mihemmed Husên hevrêzê tora piştrastiyê got, ev çalakî ji bo ku mirov bikaribin hestê nava xwe di jiyanek aştiyane û hevbeş de bînin ziman ,tiştên di dilê xwe de derînin û nerînên kesên beramberên xwe qebûl bikin, û tore ji kesên çalak yên ku di piratîkê de kar dikin pêk tê, di bin ala wekhevî û dadvanî û azadiyê de, û hewl dide ku nakokiyên di nav civakêde kontrol û çareser bikin.
çalakiyê ji sêgoşeya otostrada rojavayê bajêr destpê kir û li pêşiya navenda komelê bi dawî bû û diyarî li beşdarbûyan hatin belavkirin.
Jêder : Hevbendî