Dirustkirina pêkhateyeke leşkerî ji aliyê çend hêzên artêşa azad li bakurê Sûriyê hat ragihandin, ji bo bicihkirina hêviyên şoreşgeran û armancên gel û parastina jiyan û rûmeta gelê Sûriyê yê rastî hovanetirîn tawankariyan ji aliyê Rijêmê û milîsên wê dibe.
Di daxuyaniya yekgirtinê de hat ku ev yekgirtin bersiv bû li ser daxwaza azadîxwazên welat, û hat ji bo yekrêziyê û rûbirûbûna êrîşên hovane yên Rijêmê û çeteyên wê yên ji gelek welatan hatine ji bo têkşikandina şoreşa pîroz.
Daxuyaniyê tekez kir ku armanc ji yekgirtinê berevaniya di ber rewşt û piransîpên şoreşê û pêkanîna armancên wê de ye, û pêkanîna armancên şoreşa gelê Sûriyê ya her ji destpêka wê di sala 2011an de û heta niha.
Hêjayê gotinê ye ku daxuyaniya yekgirtinê ji hêla van aliyan hat emzekirin: Cêş Alislam, Cibhet Ehil Alşam, Lîwayê Şehîdên Îslamê(Dareya), Lîwayê Firqan (Idlib), Siqûr Alşam, Alcebha Alşamiya, fewcê 1, Feyleq Alşam, Firqa Elsefwa, Ahrar Elşerqiya.
Herwiha ku Hevbendiya Niştimanî ya hêzên şoreş û rikberiya Sûriyê li hember guhertin û pêşhatên dibin li ser qadê, li vê dawiyê ragihandibû ku ew li pêş stratîjiyek nû ye li ser astên siyasî û sivîl û leşkerî ji bo rûbirûbûna rijêma Esed ya ku niha li ser astekî navdewletî yê berfireh tê piştgirîkirin, û herwiha ji bo parastina destkeftên şoreşgeran li navçeyên welat.
Û serokê Hevbendiyê Enes Ele’bide gotibû ku Hevbendî ligel hin alî û hêzên şoreşger “wê nêzîk stratîjeyek nû li ser herdu astên siyasî û leşkerî ji şoreşa Sûriyê re deynin “, û gotibû ku hin bijarde hene ji bo pêkanîna dezgeheke siyasî ya hevgirtî û dirustkirina yek artêşa niştimanî, ji bo parastina destkeftên şoreşê û bergiriya armancên gel û bidestxistina rûmet û azadiya gelê Sûriyê.
Jêder: Nivîsîngeha Ragihandina Hevbendiya Niştimanî / Wekalat
