Di bin duruşma (Em Dikarin)de, komîtên Buhara Kurdî , Tevgera Ciwanên Kurd , komela Melek ya xêrxaziyê û Tora Eleman ya Sûrî roja înê 3ê Nîsanê çalakiya bi navê”Em Dikarin Roja Welatê Xwe Rengîn Bikin”, zêdetirî 50 zarokî dest bi sazkirina wêneyan li ser dîwarê yarîgeha li navenda bajarê Efrînê kiribûn.
Xoşnav Hemo endamê Yekîtiya Piştgiriya Mirovahî li ser armanca vê çalakiyê got: armanc ew bû ku em hestên zarokan yê nazik ji dîmenên şer û kuştinê ku bandoreke wê ya nerênî li ser jiyana wan pir heye dûr bixin.
Ji hêleke din ve wênesaz Eslan Memo dibêje ” ji berî heftiyekê de em amadekariyan dikin, me dîwar boyax kirin û ezmûn ji zarokan re çêkirin da ku amade bin, her wiha ev kampanî mîna pirojeyekî ye ji bo bedewkirina bajêr û belavkirina çanda hunerê di nav zarokan de.
Jêder: Hevbendî