Îroj, Duşembê, Dibistana Pilelngên Taykwando ya navdewletî li Hesekê çalakiyek mûzîkî û sporî bi helkefta roja zarokê ya cîhanî lidar xist, da wan ji rewşa derûnî ya xerab derxe ji ber dijwarbûna şer li derdorên Hesekê.
Ebd – Elezîz Abê ekadimiyê navdewletî û rêvebirê dibistana Pilingên Taykwando a Navdewletî li Hesekê îroj Duşembê di daxuyaniyekê de ji toreya Rûdawê re got, armanc ji ahenga mûzîk û sporê a ku wê di bin navê (Bihêlin Em Bi Aştî Bijîn,Eev Mafê Me Ye) lidar bikeve, derxistina zarokan ji rewşa wan a derûnî ye, bi taybet ku Roja Zarokê a Cîhanî bi dijwarbûna şer li derdorê bajêr bi ser wan de hat.
Destnîşan kir, dibistan ne hikûmî ye, di 17-6-2009an de hate damezirandin, beşek mûzîkê tê de heye, yek bo Cembaz, û yekî dî taybet bo fêrkirina asta yekem, û dayingeha zarokan jî tê de heye, li kêleka spora sereke ku ew Taykwendo ye, û 200 zarok tê de hene.
Hêja ye gotinê ko komeleya giştî a Netewên Yekbûyî, di salal 1954an de wesiyet kiribû ku hemû welat rojeke cîhanî bo zarokê çê bikin, ji ber ku ew li ser asta cîhanî rojek bo biratî û lihevkirinê ye û kar bo pêkanîna jiyana xweş ji zarokan re li cîhanê.
Jêder: Hevbendî – Rûdaw
