Daxwiyanî

Daxuyaneyeke Rojnamevanî Hevbendiya Niştimaniya Hêzên Şoreşê û Rikberiya Sûriyê 18 Çêriya paşîn 2014 Yekîneyên parastina gel (ypg) 4 kes li gundewarê Kobanê kuştin, ku hin raportên nûçevanî ragihandin ku ew 4 kes ser bi rêxistina Daiş ve ne, lê çavkaniyên nêzîk ji kesukarên wan tekez kirin ku ew kes sivîlin û ne çekdar bûn û beşdarî di şeran de nekirine,  û ew ji gundê Kefir Zêta ne yê ser bi gundewarê Hemayê ve û ji wan awareyên ku ji mirinê reviyane Kobanê. Hevbendiya Niştimanî behî û seersaxiyê pêşkêşî kesûkarên herçar şehîdan dike, di heman demê de her destdirêjiyeka li ser Sivîlan li her cihekî û ji her aliyekî pirotisto dike, û tekeziyê li ser parastina Sivîlan û pêwîstiya bêalîkirina wan di tevaya karên cengebazî yên li Sûriya dibin dike. Dilovaniya Xweda Ji Şehîdan Re Saxbûn Bo Birîndaran Azadî Ji Girtiyan Re Serfirazî Û Azadî Ji Sûriyan re. Bijî Sûriya.  

Daxuyaniyeka Rojnamevanî Nesir Elherîrî Sekertêrê giştiyê Hevbendiya Niştimaniya Sûriyê 14 çiriya paşîn 2014 Hevbendiya Niştimanî dibîne ku erkê wê ye, bala civaka navdewletî bikişêne li ser ku hêjî rêjîma Esed qeşmeriyên xwe bi biryarên navdewletî dike û biryara 2165 binpê dike, û heta vê demjimêrê ret dike û rê nadê derbasbûna alîkariyên mirovî bo navçeyên Sivîlan yên dorpêçkirî,  û bûye sedemkarê pêkanîna bobelateke mirovî ya berdewam di derheqê 3 milyon welatiyên sivîl di navçeyên dorpêçkirî de, ji encama birçîbûn û sermayê û kêmbûna kelûpelên xwarin û Sûtemeniyê û bilindbûna nirxên wan. Û hêzên rêjîmê bi narincokên tank û hawinan û bi çekên girin ambargehên hawarhatinê yên ku Netewên Yekgirtî derbas kirine armanc kirin, û duhî û bi derbasbûna barhilgirên alîkariyan bo derwazên taxa Elwe'r ya dorpêçkirî li Himusê, hevdem hatin ligel gulebarankirinek dijwar, lewra pêwîste Netewên yekgirtî bi erk û berpirsyartiya xwe rabe derbarî parastina Sivîlan û pêkanîna biryarên xwe namaze biryara 2165 ya taybet bi derbaskirina alîkariyên mirovî bo sercem navçeyan bê pesinkirina rêjîmê.  

Daxuyaniyeke Rojnamevanî Salim Elmislit Berdevkê fermî yê Hevbendiya Niştimanî ya Hêzên Şoreşê û Hevrikiya Sûriyê 13.11.2014 Rêjîma Esed tawankariyên xwe berdewam dike, sûdeyê ji mijûliya cîhanê bi lêdana cihên rêkxistina Daişa tirorist werdirire, û çekên qedexekirî bikar tîne, hewl dide ko hinek Herêmên ji bin kontrola wî derketine vegerîne. Evê sibehê Firokên Esed Herêmên Taxa Cober li Şamê bi mûşekên xaza Kilora jehrîn amanc kirin, di encamê de li gora jêderê Navenda Bijîşkî ya li rex aniya şer, bîst kesan jiyana xwe ji dest dan, herweha Nivîsgeha ragihandinê ya taxa Cober got: doh bi şev Rêjîmê tax bi Xaza kilorê amanc kir, û bi sedema tunebûna peywendî û elektrîkê nûçe nehat belav kirin. Xuya ye ko Hevpeymana Navdewletî ne tenê ji aliyê leşkerî ve bêçare ye ko sivîlan ji bermîlên teqîner û xazên jehrîn biparêze, lê belê Hevpeymanî bêçare ye di hilgirtina berpirsiyariyên xwe derbarî sivîlan de, tev li tawankariyên rojane di ber dîtin û bihîstina cîhanê de dibin, ev mijar bêçaretiya istiratîciya Hevpeymanê aşkere dike û giring e ev istratîcî bête guhertin û Rêjîma Esed jî amanc bikin.

Daxuyaniyeke Rojnamegerî Salim Elmislit Berdevkê fermî bi navê Hevbendiya Niştimanî ya Hêzên Şoreşê  û Hevrikya Sûrî 12 rêbendan 2014 Îroj, sibeha çarşembê û di encama êrîşek bi mûşekan ku dibistana "Keçên Kirnaz" li gundewarê Hema yê Bakur armanc kir, 10 zarok temenê wan kêmî 10 salan şehîd ketin û hindek birîndar bûn. Li gor navenda Hema ya nûçeyan birîndar hatin veguhestin bo nexweşxaneya " Siqêlbiyê" û hêzên rejîmê dever girt, û nehiştin tu kes nêzî cihê teqînê bibe. Hevbendî behînameyekê ji xwedî û kesên zarokan re pêşkêş dike, û şermezariya xwe ji vê tawan û çi kiriyarên destdirêjiyê li sivîlan û bi taybet  zarokan dike tekez dike, her weha tekez dike ku armanckirina sivîlan tawaneke cengê ye, bêyî naskirina ê ku bikar tîne yan sedemên wî çi ne, û dive yên gunehkar li pêş dadgehek rastkar werin ceazakirin.

Daxuyaniyeke Rojnamevanî Salim Elmislit Berdevkê Fermî yê Hevbendiya Niştimaniya Sûrî 1 ê Çêreya Paşî 2014 Hin dezgehên ragihandinê dengoyek derbarê destpêşxeriyeka siyasî ya nû weşandin, dibe wan dezgehan gotin guhertibin yanjî ketine di şaşîtiyekê de, lewra em tekez dikin ku me hîç destpêşxeriyek nû pêşkêş nekiriye bo hîç layenekî, bitenê me gotibû ku me nexşerêyeke tekûz pêşkêşî kongirê Jinêvê kiribû ku ji 24 bendan pêk dihat bi dem û rêşûnên destnîşan kirî bo cêbicêkirina daxuyaniya Jinêvê, di dema xwe de me ev nexşerê radestî şanderê navdewletî kir, û di kongirê Jinêvê de hat pêşniyarkirin, lê belê aliyê dî bersiv li ser neda, û tenha ev destpêşxerî bitenê ji aliyê Hevbendiya Niştimanî hatiye pêşkêş kirin.  

Daxuyanyek Rojnamevanî Salim Elmislit Berdevkê Fermî yê Hevbendiya Niştimaniya Sûrî 1ê çêreya paşî 2014 Tora Sûrî ya mafên mirovan di maweyê heyva rezbera (October) 2014 an de kuştina 1,231 sivîlî bi belge û dikoment kiriye dinav wan de 216 zarok bi rêjeya 8 zarokan  rojane li ser destê hêzên Esed, herwiha di nav qurbaniyan de nekêmtir ji 121 jinan hene, li aliyekî din hejmara qurbaniyên bi eşkenceyê şehîd ketine gihişte 118 kesan, bi rêjeya 4 kesan rojane têne kuştin li jêr eşkencekirinê. Ev hejmara tirsnak hovîtiya Esed û tawankariyên wî li dijî sivîlan dide xuyakirin, bi binpêkirina sercem rewişt û yasayên navdewletî, bi sûdewegirtina ku navçe bi tevayî xerîke di şerê dijî terora Daişê. Di dema ku em van kuştaran pirotisto dikin, di heman demê de hişyariyê didin hevpeymaniya navdewletî li ser berdewamiya xemsariya wê û derengiya pirçekirina artêşa azad li gor biryarên navdewletî, û herwiha em amaje dikin ku ev çende ne bitenê dikeve di xizmeta rêjîmê de, lê di heman dem de û bi awayekî tevahî baweriya sûriyan sist û lawaz dike bi armancên Hevpeymaniyê, ku ev çende bi her şêweyekî ji şêweyan be dikeve di berjewendiya rêxistina Daiş de ji aliyê berferehî û zêdebûna çekdarên wê.   

Daxuyaniyeke Rojnamevanî Salim Elmislit Berdevkê fermî yê Hevbendiya Niştimanî ya hêzên Şoreşê û hevrikiya Sûriyê 01.Çêriya paşî, 2014 Hevbendiya Niştimanî dozê dike ko dorpêçkirina li ser hemû Herêmên ko hatine dorpêçkirin bi zûtirîn dem bên rakirin û biryara Netewên Yekbûyî hejmara 2165 ya ji bo derbaskirina alîkariyên mirovî ji bo ewan Herêman bê erêkirina Rêjîmê cîbicî bibe. Ev dora sê mehan di ser birayrê re derbas bûye û hêj gelek Herêm li Xûta Rojhilat û Rojava û li Herêma Başûr ji paytextê û li Humisê di bin dorpêçê de ne û biryar li ser astekî piçûk û teng cîbicî bûye. Hevbendî daxwazên xwe dîsa dubare dike, piştî evê neçeraserkirinê da têwirdan bibe ji bo derdkêşî û rewşa mirovî sivik bikin, ya sînorê ko navê bobelatê lê bibe buhirandiye, ji ber belavbûna nexweşiyan û tunebûna alîkariyên bijîşkî û wêrankirina Nexweşxaniyan û hatina werzê zivistanê digel bombebarankirina tang û firok û topan bi hewldana têkbirina her tiştên girêdayên jiyanê li wan herêman.

Daxuyaniyeke Rojnamevanî Salim Elmislit Berdevkê fermî yê Hevbendiya Niştimanî ya hêzên Şoreşê û Hevrikiya Sûriyê 30.Çêriya pêşî,2014 Ez sersaxiya malbata Şehîd Reyhanê Cebarî dikim ya ko rêjîma Îranî ya xwînmij bi tawana kuştina zilamekî ewlekariyê ku hewldana zorbaziya sêksî lê kiribû ew darvekir, ev kar dûrî pîvanên yasayê ne,li gor raporin fermî Rîhanê neçarî mukurhatinê kirine , û gelek têpeiyên din jî dermafê wê kirine . “Stema rêjîma Îranî wek ya rêjîma Esed e di kuştin û diktatoriyet  û nemirovanhiyê de, û ev piştgiriya mezin ko ji Îranê digihê Esed, çi bi çekan be yan  bi pere û zilaman  be, vê gotinê serast dike.   Miletê Îranî serê xwe li ber rêjîmê natewîne, ew milet hêja ye ko ji vê stem û zordariyê rizgar bibe, û ber bi azadî û rûmet û dîmuqratiyê ve biçe yên ko ji mafê her miletî ne.”

Daxuyaniyeke Rojnamevanî Hadî Elbehre Serokê Hevbendiya Niştimanî ya Hêzên Şoreşê û Hevrikiya Sûriyê 27 Çêriya Pêşî 2014 Hemû Sûrî navên Pakrewanên Şoreşê yên pêşî tên bîra wan û ji nav wan Şehîd Husam Eyyaş, yê ko bi fîşekên hêzên tawankar di 18.Adra 2011an hat şehîdkirin, navê wî û sê xortan yên pêşîn bûn di lîsteyeke dirêj de li Der’a  ,û xanim Ne´îma Elmesalimê jî îro tevlî wan bû. Xanim Ne’îma Elmesalimê dayika Husam di êrîşeke asmanî de berî çend rojan birîndar bibû, doh jiyana xwe ji dest da û tevli karwanê pakrewanan bû. Bi navê Gelê Sûriyê ez sersaxiya malbata Mesalimê û tevahiya malbatên pakrewanên Sûriyê yên ko ji bo Şoreşê şehîd ketine dikim, her em sozê bi berdewamiya xebatê didin heta amancên Şoreşê di azadî, dadî û rûmetê de misoger bikin, em tekez dikin ko xebata me dê berdewam be û destê dadiyê bi saya xweda dê bigihê hemû Tawankarên ko destê wan bi xwîna Sûriyan gemar bûye.  

Daxuyaniyek rojnamevanî Salim Elmislit Berdevkê fermî yê Hevbendiya Niştimaniya Sûriyê 21-10-2014 Ev pêngavên dawiyê yên gihandina çekan bo şervanên bergiriyê li Kobanê dikin û derbasbûna şervanan, dikevin di xaneya çareseriyên hindik û demkî de, di dema ku Sûriya pêdiviya wê bi çareseriyek sertaserî bo rizgarkirina wê ji terora Esed û Terora Daiş heye, herwiha piştgiriya Civaka navdewletî bo van pêngavên takane û bê tevaya niştimanê sûriyê bi şêweyek pilankirî li xwe bigire, dibe ku metirsiyeke din li ser pêvajoya Soreşê û li ser serwerî û yekîtiya xaka Sûriyê bike. Niha bo tevan xuya bû, ku dem derbas dibe û pêwîste civaka navdewletî helwesteke xurt bistîne, nemaze ku hemû hewlên wê bo kêmkirina ziyanên terorê negiheştin encamekê bê çareserkirina sedemên rasteqîne yên terorê, lewra em hişyariyê didin civaka navdewletî bo dijberiya hemû çavkaniyên terorê, û di serî de rêjîma Esed, ya ku bû sê sal û nîv gelê Sûriyê dikuje. Em tekeziyê li ser pêwîstiya piştgiriya Hevbendiya niştimanî dikin ya ku nûnerayetiya piransîbên şoreşê dike, bo bi dawîkirina deshilata stemkarî û diktatoriyê, û herwiha ya hewla damezrandina artêşeka niştimanî ji hemû yekîneyên leşkerî yên pabend bi piransîbên şoreşê dike, û jinavbirina hemû şêwazên terorê, ji bo pêkanîna armancên gelê Sûriyê di...