Daxwiyanî

Daxuyaniyeke Rojnamevanî Salim Elmislit Berdevkê fermî yê Hevbendiya Niştimanî ya Hêzên Şoreşê û Hevrikiya Sûriyê 21 .Çêriya Pêşî.2014 Em di Hevbendiya Niştimanî Sûrî de tawankariya ko Rêkxistina Dewleta Islamî di dermafê jinekê de li Gundewarê Hema yê Rojhilat kir, protesto dikin, li gora vîdyoyekê ko Rêkxistinê belav kiribû. Em tekez dikin ko ev tawankarî û tawankariyên ko Rêkxistin dike, karine kirêt in, protestokirî ne û tu girêdanên wan bi pirinsîbên Şoreşê ve hîç tunene.. Em dubare dozê li Civaka Navdewletî dikin ko Çekên giran bidin Artêşa Azad da karibe bergiriya Sivîlan bike, û şerê Rêkxistinên Tirorist û Rêjîma Esed bike, û kar bibe ji bo piştgiriya Gelê Sûrî da hêvî û amancên xwe di azadî û rûmet û dîmuqratiyê de misoger bike. 

Daxuyaniyeke Rojnamevanî 19Çêriya Pêşî 2014 Piştî derçûna biryara 2170roja 15 Tebaxê, Hevpeymaneke Navdewletî çêbû, da şerê Rêkxistinên Tirorist li Sûriyê û Iraqê bike. Ev biryar ne dijî helwesta Hevbendiyê ya li dijî tirorê ye, wek tê zanîn ko Artêşa Azad ji destpêka sala 2014an li beraber Daişê rawestiya û ji piraniya Parêzgehên Sûriyê hat berdan, çimkî miletê Sûrî yê ko ji bo rûxandina Rêjîma dîktator derket, napejirîne ko tu alî bi hêza çekan , eger bi çi behaneyê be ecindên xwe li ser feriz bike. Ev ji aliyê prinsîbê ve, lê helwesta Hevbendiyê ji Hevpeymana Navdewletî bi amancin niştimanî yên destnîşankirî ve girêdayî ne, yek jê ko Hevpeyman ne tenê şerê Tirorê bike, belê divê çêkerê wê yê bingehîn tune bike, û ew jî Rêjîma diktator e, ko tirora dewletê li ser miletê Sûriyê bikar tîne. Û rêkxistinên Tirorist xwedî dike û danûstandinê digel wan veşartî û aşkere dike. Hevbendî dibîne ko çi karê leşkerî amancên xwe yên dozkirî pêk nayine eger çareseriyeke siyasî tekûz nede ber xwe,ku tê de hêvî û daxwazên miletê Sûrî misoger bike û hêminî û aramiyê li Sûriyê û Îraqê û li Herêmê bi tavayî dabîn bike. Û dibîne ko beşdarbûna me di operasionên leşkerî...

Daxuyaniyeke Rojnamevanî Xalid Elsalih Serokê Nivîsgeha Ragihandinê ya Hevbendiya Niştimanî ya Hêzên Şoreşê û Hevrikiya Sûriyê 15.10.2014 Firokên Esed doh bi şev bajarê Erbîn li Gundewarê Şamê bi du êrîşên asmanî amanc kir, kuştarek pêk anîn qurbaniyên wê 10 Şehîd û 50 Birîndar bûn rewşa hinan ji wan di metirsiyê de ye. Û di heman çax de Çekên asmanî yên Rêjîmê malên sivîlan li bajarokê Eyn Terma li Gundewarê Şamê amanc kirin, di encamê de 11 sivîl şehîd ketin û bi dehan birîndar bûn li gora ko Komîtên hevrêzên xwecihî ragihandin. Em di Hevbendiya Niştimanî de evê tawankariyê protesto dikin, Rêjîm evan kuştaran dike da dilsariya xwe û Çeteyên xwe binuxumîne, em hişyariyê didin Hevpeymana Navnetewî ya ku hêjî berdewam e diçavgirtina xwe de ji kuştarên ko Esed dike, û em dozê dikin ko lêdanên leşkerî li Rêjîma Esed û Rêkxistina Dewletê bi hev re bidin, çimkî tirora dewletê ya ko Rêjîma Esed di dermafê sivîlan de dike di çaxê ko xelk bi oprasiyênên li ser Daiş daketine, yên Esed ji yên wê ne kêmtir in.

Daxuyaniyek  Rojnamevanî Salim Elmislit Berdevkê fermî yê Hevbendiya Niştimanî ya Hêzên Şoreşê û Hevrikiya Sûriyê 14.10.2014 Taxa Elwe’ir li bajarê Humsê ev bû bêtir ji salekê di rewşeke pir dijwar de dibuhûre, Rêjîma Esed di çend rojên çûyî de êrîşeke leşkerî daye ser taxa ko bêtir ji 250hezar niştecih tê de hene, rojane dora 15 bermîlên teqîner bi ser de davêtin, heta nuha dora 10 pakrewanan  û bi dehan birîndar bûne û li gora Çalakvan dibêjin  wêraniyeke bêhmpa çê bûye. Çalakvan bi navnîşana “We’ira me dişewite” bi kampaniyekê rabûne, da ji raya giştî re kuştarên Esed li taxê dike berçav bikin, û hem jî ji bo navtêdana Rêkxistinên Navnetewî bikin da alîkariyên hawarçûnê û yên bijîşkiyê pêşkêş bikin û dorpêçê ji ser rakin. Bi navê Hevbendiya Niştimanî ez kuştarên Rêjîma Esed yên ko li taxa Elwe’ir dike protesto dikim, û dîsa hişyariyê didim ji metirsiya ko Hevalbendî eger tenê li Daiş bide û Rêjîma Esed piştguh bike, ev mijar dihêle ko miletê Sûriyê bi amancên Hevalbendiyê yên li Sûriyê nema baweriyê bîne.

Daxuyaniyeke Rojnamevanî Salim Elmislit Berdevkê fermî yê Hevbendiya Niştimanî ya Hêzên Şoreş û Hevrikiya Sûriyê 11.10.2014 Muxeyyem Elyermûk di rewşeke pir aloz  de ye ji ber dorpêçkirina  ku ji sal û nîvekê ve berdewm e, ji bil çend caran ko çendek ji sivîlan bi lihevkirinê  derketin, ew jî bi alîkariya Dezgeha Xos ya Penaberên Filestînî,  û îro bû 32 roj Muxeyyem bê ava vexwarinê ye. Navendên Bijîşkî  gelek pêdiviyên çareseriyê û derman ji wan kêm in, ji ber evê hindê jî gelek Birîndaran ji xelkên Muxeyyem rewşa wan ya tenduristî xerab bûye, bi sedema belavbûna nexweşiya “Zerikê”. Em di Hevbendiya Niştimanî doza cîbecîkirina biryara Encûmena Asayişa Navnetewî ya hejmar 2165an dikin, ya ko dihêle Karwanê alîkariyên mirovî û hawarçûnê û yên bijîşkî bê erêkirina Rêjîmê derbasî xaka Sûriyê bibin. Jêder : Hevbendî

Daxuyakirineke Rojnamevanî Xalid Elsalih Serokê Nivîsgeha Ragihandinê Ya Hevbendiya Niştimanî ya Hêzên Şoreşê û Hevrikiya Sûriyê 10.10.2014 Em di Hevbendiya Niştimanî Sûrî de dilxweş in bi axaftina Wezîrê Kar û Gerantiya Civakî yê Tirkî “Farûq Cilîk” Roja Çarşembê, ko desthilata Tirkî dê nasnameyeke pênasînê ji bo Penaberên Sûrî bide da ko bi wê karibin li Tirkiyê kar bikin. Hevbendiya Niştimanî evan kirdeyên ko desthilata Tirkiyê di derbarê Penaberan û yên ko li ser xaka wê niştecih bûne bi rênî salix dide, herweha helwestên Desthilata Tirkiyê ji bo piştgiriya kêşeya Sûriyê û Şoreşa milet ya daxwaza azadî û dad û rûmetê dike bilind dinirxîne.

Daxuyaniyeke Rojnamevanî Salim Elmislit Berdevkê fermî yê Hevbendiya Niştimanî ya Hêzên Şoreşê û Hevrikiya Sûriyê 09.10.2014 Hêzên Esed di roja dawî ji Cejna Qurbanê de nêzîk 500 hevwelatî ji Gundê Seyfat Bakurî Bajarê Helebê piraniya wan Zarok û Jin dîl kirin li gora nûçeyan û ji devê çalakvanan ko hêzên Esed tawankariyên zorbaziya sêksî li jinên Gundê Seyfat kirine. Hevbendiya Niştimanî evê kirdeya kirêt di dermafê Jinên Sûrî de protesto dike û doza  berdana girtiyan dike, herweha hişyariyê dide ko Rêjîma Esed evan tawankariyan dike bê ko tu hêz wî birawestîne, û Hevalbendiya Navnetewî jî li Daiş dide bê ko li Rêjîma Esed bide, dibe ev yek di berjewendiya evê Rêkxistina tirorist de be û dibe endamên nû jî tev li wê bibin. 

Gelî Sûriyan Zarwên Welatê min Paktirîn Xelk … Hêjatirîn Xelk Va ye Cejn tê bê şahiya Sûriyan, Sûriyên ko Dunya bi hezkirin û şahiyê dagirtin, îro cejna  wan xemgîn e, ji ber ku stemkarî û tariyê li ser Welat vegirtiye, Sûriyên ko ji Welatê xwe hez dikin, şêrîntirîn û paktirîn xak, Rêjîmek desthilatdariyê lê dike, her tişt ji dest berdaye, serweriya Niştimanî wenda kir, dema xwedî ramanên beloq tev anîn Sûriyê û çanda kuştin û serjêkirinê li xaka me çand û lemeke kirêt û reş jê şîn hat.             Rêjîmê kiryarên xwe kirin û  gelê Sûrî kir navbera helbijatina du agiran ,yê zordariyê û yê tundrewiyê, lê Sûriyan gotin na, na ji tundrewiyê re û na ji zordariyê re . Sûriyan bi mêranî şerê Çeteyên Rêjîmê û şerê Çeteyên Daişê kirin, çimkî herdu rê jî ne ji çanda miletê me ne. Sûriyan bi hestên xwe yên nazik ji roja pêşîn de metirsiya tundrewiyê nas kirin û bi tena xwe şer kirin… Gelekî axivîn û hişyarî dan cîhana xilmaş, ku cenga tekoşîna ji bo azadiyê wateya wê ew e Rêjîm bête rûxandin û dawî li tundrewiyê bê. Guherînên ko li Welatê me dibin pir hestyar û metirsîdar in, evê Rêjîmê bingeha...

Agahnameyeke Rojnamevanî Hevbendiya Niştimanî ya hêzên Şoreşê û Hevrikiya Sûriyê 03.10.2014 Hevbendiya Niştimanî Miletê Sûrî yê qehreman bi helkefta Cejna Qurbanê pîroz dike, û bihêvî ye ko Xwedayê dilovan ewê bike dergehekî xêrê û em tê re baweriya xwe bi azadî û maf û jiyanê nuh bikin, û bibe destpêkek ko rijandina xwîna milet biraweste û bi xêra wê armancên Miletê Sûrî pêk werin. Îro em bi rêz li ber qurbaniyên Şehîdan û lehengiyên Qehremanan û samana Dayikan û xweragiriya Girtiyan û zehmetkêşiya Penaber û Derbideran dirawestin, û em dîsa soza xwe bi hemû Şoreşgeran re didin ko em ê bizavê bikin da em armancên Sûriyan pêk bînin û serkeftinê bidest bixînin û em ê ji bo wê bi rêzgirtina pirensîpên Şoreşê û siloganên wê yên mezin pabend bin û li ser wan berdewam bin. Ji Xwedayê mezin hêvîdar in ko ji bo xatirê evan rojên pîroz firehiyekê  bi ser miletê sûriyê tevî de bîne, û me tevan bi ser bixe di xebata me ya ji bo vî miletî de di van rojên dijwar de. Xweda  xweşiyê bide we, û her sal hûn bi xêr bin, û xweda cejnek din bi ser me de bîne ku em serkeftî û azad...

Agahnameyeke Rojnamevanî Hevbendiya Niştimanî ya hêzên Şoreşê û Hevrikiya Sûriyê 01.10.2014 Hevbendiya Niştimanî lêbûrîna xwe ji Miletê Sûriyê û Xelkên Bajarokê Cercinaz li Gundewarê Idlibê dixwaze, derbarê şehîdbûna 15 Zarokanên me bi sedema bikaranîna nedurist ji vaksîna Sorikan re. Hevbendî dîsa sersaxiya malbatên zarokan dike û li gora biryara Desteya Siyasî hejmar 7 di 25,26,27ê Eylûla sala 2014an,biryarên di derbarê her kesên ko berpirsiyar bûne di evê mijarê de wisa ragihandin: Yekem- Berpirsiyariyê dide ser Birêvebiriya Tendiristiya Idlib û Kesên Çavdêr li ser derzîdankan û berbi dadgehê hatin şandin. Duyem- Birêvebirê Desteya Niştimanî Sûrî yê derzîdankan Dr. (Mihemed Elseed) ji kar hat berdan. Sêyem- Birêvebirê Beşê Bijîşkî di Yekîneya Hevrêziya Piştevaniyê Dr. (Xalid Elmîlacî) ji kar hate berdan. Çarem- Birêvebirê Cîbicîkirinê di Yekîneya Hevrêziya Piştevaniyê de (Samir Derwîş) ji kar hate berdan. Pêncem- Seroka Yekîneya Hevrêziya Piştevaniyê (Suhêr Eletasî) ji kar hat dûrxistin. Şeşem- Wezîrê Tenduristiyê di Desthilata Birêkirina kar Dr. (Fayiz Hezûrî) ji kar hat dûrxistin. Heftem- Gazind ji Wezîrê dadê di Desthilata Demkiya Birêkirina  kar de Dr. (Fayiz Eldahir) bûn, çimkî wî dadkirinek taybet li hindirê Sûriyê ji bo vekolînê di bûyera derzîdanka Sorikan de çê nekir. Heştem-  Gazind ji Serokê Desthilata Birêkirina kar Dr. (Ehmed Tu´ima) û...