Daxwiyanî

Agahnameyeke Rojnamrvanî Xalid Elsalih Serokê Hevbediya Niştimanî ya Hêzên Şoreşê û Hevrikberiya Sûrî 14.09.2014 Alayên Artêşa Sûrî ya Azad şerên tund li dijî Hêzên Elesed li parêzgeha Elqunêtira dike,Şerê dawiyê “Felmuxîratî Subha” yê ko Şoreşgeran ev nav lê kir ji bo berdewamiya Şerê “Elwe´id Elsadiq” Yê ko bi wî gelek cihên Stratîcî buhûrandine, û wisa dibe ku 75% ji Gund û Bajarokên Parêzgeha Qunêtira bidest xistine, lê hêj Hêza Elesed di bajarê “Elşuheda” û ”Xan Ernebê” de ne.  û pêşveçûna Şoreşgeran li Qunêtira berdewam e ber bi Gundên Bakurê Rojava yê Deraa ve, bi hevkariya Alayên Artêşa Azad yên li wir bi amanca ko dorpêçê ji ser Xûta Rojava rakin û wê di rêya Qunêtira re bi Deraa ve girê bidin. Hevbendiya Niştimanî Sûrî qehremaniya Şoreşgeran û serkeftinên wan li Parêsgeha Qunêtira û Deraa bilind nirxand, û got ku emê digel wan bin heta em buhusta dawî ji Xaka Sûriyê rizgar bikin, û em tekez dikin ko Artêşa Sûrî ya Azad tenê ew dikare Sûriyê ji nav lepên Rêjîmê û Rêkxistina Dewleta Islamî rizgar bike, û em ji Civaka Navnetewî daxwaz dikin ko bêtir piştgiriya Şoreşgeran bike da bikaribin amancên miletê Sûrî di azadî û dad û rûmetê de misoger...

Agahdariyeke Rojnamevanî Xalid Elsalih Serokê Nivîsgeha Ragihandinê ya Hevbendiya Niştimanî Sûrî 12.09.2014 Rêjîma Esed dest bi êrîşên xwe yên asmanî li ser Herêmên ko di bin destê dewleta Islamî de kir, li Herêma Gundewarên Bakurî Helebê û Dêra Zorê û Reqayê, ew kar di heman çaxê de hat ko Encûmena Ewlekariya Navnetewî bi tevayî projeyê biryara 2170 pesend kir, ya ko hemû riyên piştgiriya bi kesan û pereyan li ber Rêkxistina dewleta Islamî û Aniya Elnesre û hin rêkxistinên ko bi Elqaide ve girêdayî ne dibire, çimkî di biryarê de hatiye ko Encûmena Asayişê li gora benda heftan ya Netewên Yekbûyî tevdigere. Rêjîm bizava pirkirina êrîşên asîmanî dike, da ji civaka Navnetewî re bide xuya kirin ko ew parek ji çareseriyê ye û ne bingeha arîşeyê ye, û dide xuya kirin ko ew şerê tiroristiyê dike, piştî ko Rêjîmê gelek Herêm di bin destê Dewleta Islamî de bi mehan hiştin, bê ko tu êrîşan bide ser wan, lê Rêjîmê di heftiyekê de bêtir ji sed êrîşên asmanî birin ser cihên Sivîlan, ku ya dawî “Sûka Pez” bû li Hrêma Gundewarên Bakurî Helebê û “Taxa El´erdî” li Dêra Zorê û “Nanpêjgeha Alî” li bajarê Reqayê ku Herêmên nişteciyên sivîl in, di...

Ragihandineke Rojnamevanî Nesir Elherîrî Emîndarê Giştî Yê Hevbendiya Niştimanî Sûrî Ya Hêzên Şoreş  û Rikberiyê 12.09.2014 Bjarê Dûma li Xûta Şamê ya Rojhilat ev çar roj ketiye ber bombebarandineke berdewam ji hêla Firokên Cengî yên Rêjîmê û Topên wî yên giran, û heta nuha bêtir ji 70 Şehîdî û 250 Birîndarî ketine, û hêj bi dehan Sivîl di bin wêraniyê de mane, Xelkên deverê û endamên Bervedêriya Sivîl, hewl didin ko Qurbaniyan ji bin deverîn wêranbûyî  rizgar bikin, lê ji ber tunebûna alavan gelek aloziyan dibînin. Em di Hevbendiya Niştimanî Sûrî de vê kiryara ji hêla Rêjîma Esed ko sivîlan bombebaran dike protesto dikin, herweha em dozê li Civaka Navnetewî dikin ko bi berpirsiyariyên xwe rabin û bi lez bilivin da operasiyonên Rêjîmê li ser Bêgunehan rawestînin û kar bikin ji bo Sivîlên hatine dorpêçkirin rizgar bikin, û operasiyonên rêbazkirî di wêraniya malan de ya ko Rêjîm bi hemû çekan û ji wan jî mûşekên valahî bikar tîne birawestînin.  

 Agahnameyeke Rojnamevanî Hevbendiya Niştimanî Sûrî 10.09.2014 Hevbendiya Niştimanî Sûrî sersaxiya malbatên Şehîdên doh êvarî sêşemê bi sedema turumbêleke teqîner ko civîna Serperiştên tevgera Ehrar Elşam li Bakurê Idlibê amanc kir û di encamê de gelek şehîd ketin ji nav wan, Damezrêner û Serperiştê tevgerê “Hesan Ebûd” yê bi naznavê “Ebû Ebdulah Elhemewî”, û çend ji serperiştên din wek “Ebû Yezin Elşamî” û “Ebû Telhet Elxab” û “Ebû Ebdulmelek” û ”Ebû Eymen Elhemewî” û ”Ebû Eymen Ram Hemdan” û ”Ebû Sariya Elşamî” û ”Muhib Eldîn Elşamî” û ”Ebû Yûsif Biniş” û  “Telal Elehmed Temam ” û  “Ebû Elzibêr Elhemewî ” û “Ebû Hemza Elreqa” û çend Endamê tevgerê û şervan hatin kuştin. Ebû Ebdulah Elhemewî tev li serperiştên tevgerê bervedêriya sivîlan kiriye û ew ji zordariya Rêjîma parastine, û gelek bizavên wî di şoreşê de hebûn û di karê çekdarî de li gelek cihên corbicor li Sûriyê û hem jî bervedêriya mafê miletê Sûrî yê dozdarê azadî û rûmetê kiriye. Hevbendiya Niştimanî Sûrî evê tawankariya mezin protesto dike û ji bo miletê Sûriyê tekez dike ko wê di tekoşînê de berdewam be, wê destê sizakirinê bigihê hemû Tawankaran yên ko destê wan di rijandina xwîna sûriyan de heye, û tekez kir...

  Hadî Elbehra Serokê Hevbendiya Niştimanî Sûrî 7ê Rezbera2014an Rêzdarê hêja Ehmed Wild Tikdî wezîrê karê derve yê Komara Morîtanî, Serokê Xula vê carê  ya Encumena Komkara Dewletên Ereb. Xwediyên payeberziyê, qedirgiranî û şahiyê, silava Xwedê li we be: Rê bidin min, ku bi navê xwe, û bi cîgiriya şanda hevrê, spasî, hurmet, û hezkirinê bidim Komara Misra Erebî. Herweha spasiya Rêzdarê hêja birayê min D. Nebîl Elerebî Razdarê Giştî yê Komkara Dewletên Erebî ser tiştên ku ji bo xizmeta karê erebî yê yekgirtî dike dikim. Ez jibîr nakim ku spasiya birayê rêzdar û hêja Selahidîn Mizwar li ser keda wî di dema serokatiya xula bûrî de bikim. Dixwazim pîrozbahiya birayê rêzdar û hêja Wild Tikdî li ser serokatiya wî ji vê xula ku hêvî dikim despêkek xêrdar be li ser cihana erebî bitevahî. Îroj ez li himber we diaxivim, û agir li weatê min hîn gur e, ji ber rêjîma ku tu çek nehiştine bê ku bikar bîne, û rewatiya navdewletî û yasa û destûr binpê kirine. Welatê min yê ku hûn xweş nas dikin, welatê çand û şaristaniyê ye, gelek di ber mirvahiyê û herêmê de kir, niha li ber çavê hemûyan wêran dibe, ne ji ber tu...

Agahnameyeke Rojnamevanî Hevbendiya Niştimanî Sûrî 03.09.2014 Taxa Xwêran li Bajarê Hesekê ji demekê ve bi hemû cûreyên çekan yên sivik û giran û bi Firokên Cengî ji hêla Rêjîma Esed û Çeteyên hevalbendên wî li Herêmê bombebaran dibe, digel dorpêçeke tund li ser hemû buhêrkên taxê hatiye danîn, bi amanca ku xelkên sivîl birçî bikin û bi kotekî radest bibin. Hevbendiya Niştimanî Sûrî bombebarana bi tewşî ya ko sivîlan amanc dike pirotesto dike, û ya ko heta nuha bi dehan kuştî û birîndar ketine, Hevbendî daxwaz dike ko dorpêç ji dor Taxê rabe û biryara Netewên Yekbûrî ya 2165 bicih bê, ya ko dihêle Alîkariyên Mirovî bê erêkirina Esed derbasî Herêmên dorpêçkirî bibin.   Xelkên Xwêran ji destpêka Şoreşê ve bi xwepêşindanên aştiyane li dijî Rêjîmê rabûn wek hemû Parêzgehên Sûrî yên doza rûmet û dîmuqrasiyê kirin, hêj Şoreşgerên Xwêran û xelkên wê di rûyê dorpêçê û bombebaranan de li ber xwe didin, piştî têkçûna hewldanên Rêjîmê û hevalbendên wê da rewanê Şoreşê di dil û hişê xelkên taxê de bikujin. Dilovaniya Xwedê Ji Şehîdan Re Saxbûb Bo Birîndaran Azadî Ji Girtiyan Re Serfirazî Û Azadî Ji Sûriyan Re. Bijî Sûriya.

Ragihandinek Rojnamevanî Nesir Elherîrî Emîndarê Giştî Yê Hevbendiya Niştimanî Ya Sûriyê 3ê Êlûnê 2014 Rijêma Esed bi gelek helmetên leşkerî dixwest berxwedana Cober a Şamê bişkîne û derbasî taxê bibe lê nikarîbû, tevlî dorpêçkirin û wêrankirina rêbazkirî ji berî du salan de. Lê ji berî demekê de rijêmê şerê xwe yê dijî cober gurtir kiriye, û hemi cûreyên çekan  tevlî firok û mûşekên kontrolkirî bikar tîne. Em ji civaka navdewletî dixwazin ku xebatekê bike da van oparasyonên rijêma Esed li taxa cober rawestîne û sivîlên di taxê de dorpêçkirî ruha bike,û operasyona wêrankirina  rijêmê ya rêbazkirî -li gor hin çalakvanan- rawestîne.ku vê carê coreyek nû ji çekên wêranker bi kar tîne û ew jî mûşekên bi peraşot in , guman heye ku ew ji Çiyayê Qasiyûnê ber bi deverên bobelatbûyî  ve têne berdan.

Agahnameyeke Rojnamevanî Hevbendiya Niştimanî ya Sûrî 29ê Tebaxa2014z Hevbendiya Niştimanî ya Sûrî operasyona girtina 43 serbazan ji hêzên parastina aştiyê yên bi ser neteweyên yekgirtî ve, piştî pevçûnên li nêzî deriyê sînorî yê Qonêtra bi Colana Sûrî ya dagîrkirî re şermezar dike. hevbendiya niştîmanî daxwaza garantiya saxlemiya girtiyan dike, her weha daxwaza berdana tevan yekser bê bend merc dike. Û hevbendî tekez dike ku ev kiryar dûrin ji piransîb û reftarên şoreşgeran .    Dilovaniya Xweda Ji Şehîdan Re Azadî Ji Girtiyan Re Serfirazî Û Azadî Ji Sûriyan Re. Bijî Sûriya.

Agahnameyeke Rojnamevanî Hevbendiya Niştimanî ya Sûrî 27ê Tebaxa2014z Hevbendiya Niştimanî Sûrî ragihandina agirbesta demdirêj li Qita´h Xeza di nav herdû aliyan de bi erênî pêşwazî dike. û pîrozbahiya gelê felestînê dike li ser bidawîanîna dorpêça li ser Qita´h li gor di rêkeftina agirbestê de hatiye, her weha di rêkefinê de hatiye ku  derwazên di nav Qita´h Xeza û deverên din yê dagîrkirî ji Felestînê jî vebin, û avakirina deverên wêranbûyî ji encama topbarana dagîrkeran, di riya rêvekirinê li pêş derbasbûna keresteyên avakirinê û hewarçûnê. Hevbendiya Niştimanî tekez dike ku çareseriya siyasî pêk nedihat eger biryarên rasteqîne û birî nehatibana standin, ku aliyê destdirêjker neçar kir da bombebarana sivîlan rawestîne û dorpêça li ser wan veke li gor zagonên navdewlwtî û mirovahî. Ew destdirêjiya dawî li ser Xeza diyar kir ku gelê Sûriyê û yê Felestînê ji bo kêşeyeke hevbeş  têdikoşin, û herû rûberûtiya du dijminan dikin ku salixên wan yê xwînrijiyê yek in, û rêbaza topbarana û dorpêçkirina sivîlên bêçek dişopînin, ji bo viyan û moralên wan bişkînin, xweragirî û serkeftina Filestîniyan piştgiriyek dan gelê sûrî ku baweriya wan xurt kirin bi nêzîkbûna serkeftina wan jî. Hevbendî daxwaza bihêzkirina kar dike, ji bo zûkirina derbasbûna alîkariyên mirovî yên pêwîst ji...

Agahnameyeke Rojnamevanî Hevbendiya Niştimanî ya Sûrî 27ê Tebaxa2014z Bajarê Amûdê ji bajarên pêşîn e ko li dijî Rêjîma Elesed ya xwînrêj rabûye, û nuha ji aliyê çekdarên Partiya Yekîtiya Dîmuqrat ve (PYD) malên çalakvanan û yên Endamên hin Partiyên Kurdî tên têperkirin, û kelûpel û samanên wan malan tev de ji hev xistin û hin amanên kesane jî bi xwe re birin û hem jî gef li çalakvanan xwarine bi desdanîna ser  saman û malên wan, û wan ber bi Tirkiyê ve sirgûn bikin. Ji ewan çalakvanan yên ko têwerdana mala wî  hatiye kirin, çalakvan “Siwar Hito” ye ew endamê Hevrêza Amûdê ye û Sirûdbêjê Şoreşê ye û yek ji Birîndarên kuştara Amûdê ye, û ji wê hingê ve bidûrxistî û sirgûnkirî  ye, yê din yê ko mala wî jî têper bûye “Memdûh Tixûbî” ye, Endamê Partiya Dîmuqrata Kurdistanî-Sûriyê ye, û ew bi welatparêzî û şoreşgerî û xebata xwe ya  siyasî li dijî Rêjîma Elesed navdar e, û ji kesayetiyên naskirî ye, berê jî gelek caran toşî girtin û peydeçûna PYD bûye. Xuya ye ko ev kar parçeyek ji pîlaneke nîgarkirî ye ji aliyê evê Partiyê ve , da Herêmê ji xelkên wê  vala bike ji Efrînê pêkeve ta Tiltemir...