Daxwiyanî

  Xalid Xoca Serokê Hevbendiya Niştimanî ya Sûriyê 18 Rêbendan 2015 Gelî birayên Sûrî Silav li we li her cihekî û li jêr her stêrekê Silav li Sûriya.. bihemû mirov û navçe û jin û peya û pîr û zarokên xwe ve, Silav li şervanan di senger û çeperên rûmet û qehremaniyê de Silav li xelk û birayên me di navçeyên dorpêçkirî de…yên êş û azaran dikişînin ji hovîtiya rêjîmê û baredoxên dijwar..û ji neçariya dost û hogiran. Silav li xelkên me yên xoragir li navçeyên şoreşê..yên li jêr dojeha bombebarana firok û bermîlên mirinê de dijîn, ji Der'a û Qoniyêtira heta bi Xota Şamê û gundewarên wê û heta bighêje Qelemon û Humis û Hema û Heleb û Idilibê, ku ji ne tiştekî jiyareke nû diafrînin, û zîrekiya mirovê Sûrî diyar dike, û şiyanên mirovê Sûrî li ser dahênanê û sûrbûna wî li ser serkeftinê dupat dike. Silav li xoragiran di wan navçeyên li jêr kontrola terora DAÎŞê de, ji Reqa û Dêrazorê yên ku baweriya wan bi azadî û rûmetê sist nebûye û çaverêyên serkeftinê ne. Silav li penaberan di kampên berxwidanê de, yên tehliya jiyanê dikişînin li bin siha dijwariya siruştê û bêkarîna kesûkaran û bêhêvîbûna bi...

Daxuyaniyek Rojnamegerî Hişam Merwe Cîgirê Serokê Hevbendiya Niştimanî Bo Hêzên Şoreş û Hevrikiya Sûrî 17 Çileyê Paşîn 2015 Ji min re giring e, ku ez destpêkê bi awayekî zelal diyar bikim ku serokên cîhanê ê îroj bo şermezarkirina encamên tirorê civiyane, ji hemû demê bêtir ji wan tê xwestin sedemên rasteqîn yên tirorê çareser bikin û ji jêdera sereke xelas bibin ku ew jî rejîma Esed e a ku ne tenê li ser dirêjiya 4 salan kuştar derheqê millet de pêk anîn, lê belê tiror çêkir û komên tirorist xwedî kirin bo li şoreşê û doza wê bizîvire, û wê mîna tevgerke tirorist diyar bike. Rejîma Esed bi karanîna hesin û agir bo vemirandina şoreşê bi tenê qayil nebû, di heman dema ku taxan topebaran dike, dorpêçkirinek teng li gelek deverên ku bi sedê hezaran ji milletê Sûrî bi cih dikin pêk tîne, û nahêle alîkariyên hawarçûnê bighêjin wan, ew jî bo berdewamiya siyseta sizakirina giştî ji xelkên sivîl li deverên şoreş lê vêxistî ye. Birçîkirin û û dorpêçkirina li kampa Yermûk, Xûta Şamê, taxa We`ir, û deverên dî yên dorpêçkirî, tawanên Cengî, û qirkirineke giştî û hêdî ye dijî sivîlên wan deveran. Berdewamiya dorpêçkirina sivîlan û birçîkirina wan karekî...

Daxuyaniyek Rojnamegerî Salim Elmislit  Berdevkê Fermî yê Hevbendiya Niştimanî Bo Hêzên Şoreş û Hevrikiya Sûrî  10 Çileya Paşîn 2015an  Bi navê Hevbendiya Niştimanî germtirîn spasî bo hemû dewletên bira û heval, û di serî de Komara Tirkî, Erebistana Siûdî, Qeter, Dewleta Mîrneşînên Erebî yên Hevgirtî, dewleta Kiwêt, û Emirîka, pêşkêş dikim, ku di gaziya banga hawarçûnê ve hatin, banga berî du rojan serokê Hikûmeta Sûrî ya Demkî Ehmed Tu`ima û Seroka Yekîneya Hevrêziya Piştgiriyê Suhêr Eletasî dabûn bo bihawarhatina Milletê Sûrî ve û alîkariya wî di rûbirûbûna pêla serma dijwar ku dever daye ber xwe. Dibînim pir giring e ku ez di bîr bînim ku zehmetkêşiya koçberên hindirê Sûrî û penaberên li dewletên cîran di bin siya kêmbûna gelek keresteyên sereke û pêwist bo rûbirûbûna rewşên seqayî yên dijwar berdewam e, mîna çandir, alavên germkirinê, sotemenî, û cilûberg. Di rojên bûrî de û li gor Toreya Sûrî Ya Mafê Mirovan mirina 11 kesan ji wan 7 zarok ji ber serma dijwar hate belgekirin, ev yek mezinbûna karesatê diyar dike, bêguman beşdariya dewletên cîhanê yên mayî dixwaze bo bihawarhatina milletê Sûrî ve, ji ber Sûrî wek Serokê Hikûmeta Sûrî ya Demkî ragihand dewletek " Bobelatlêbûyî" ye. Spasiya xwe ji dewletên ku...

Daxuyaniyek Rojnamevanî Salim Elmislit Berdevkê Fermî Yê Hevbendiya Niştimaniya Hêzên Şoreşê Û Rikaberiya Sûriyê 9 rêbendan 2015 Îro hatiye xuyakirin ku hevdengiyek navdewletî heye, ku Rêxistina DAÎŞê rêxistinek terrorist e û gefeke rasteqîne ye li ser ewlehiya Cîhanê bi tevahî, û emjî vî tiştî tekez û piştgir dikin , lê li hember vê yekê pêwîst e rola rêjîma Esed nehête piştguhxistin di çekirina DAÎŞ û rêxistinên din yên terorîst de bi hewla bikaranîna wan bo pêkanîna armancên xwe yên siyasî û berdewamî di sepandina hikumê xwe yê diktatorî li ser gelan. Her wekî di pêşiyê de me helwêsta xwe diyar kiriye, bi şermezarkirina hemû kiryarên teroristî û armanckirina sivîlan li her derê, herwiha carek din em her karekî teroristî şermezar dikin û her hewildana bo bêdengkirina serhildêran yan sepandina nêrînên siyasî û têkbirina azadiya gotin û nêrînê şermezar dikin, û em alîgirî û hevxemiya xwe ji xêzanên qurbaniyan re dupat dikin. Hêjaye ku dîrok û serbora rêjîma Esed di serperiştî û sazkirina şanik û rêxistinên terorî de bi her awayekî berdest, hatiye selmandin û dîkomînt kirin bi rêya torên mafnasî yên cîhanê û serborek hetikiye di dadgehên navdewletî de, ku terora rêjîmê li ser astê navxoyî tête piyadekirin li dijî...

  Daxuyaniyeke Rojnamevanî Hadî Elbehra Serokê Hevbendiya Niştimanî Ya Hêzên Şoreş Û Rikberiya Sûrî 28 Çileyê Pêşî 2014 Em destdirêjiya ku hêzên Îsraiylê doh piştî têperiya azmanê sûrî pêk aniye şermezar dikin, û ew wêraniya ku li Sûriyê bûye em rijêma Esed pê berpirsiyar dikin, tevlî şehîdbûna 200 hezar kesî di dema 4 salan de tenê ji bo mana desthilatê di destê wî de. Û di dema em ji gelê Sûrî dixwazin ku li dor piransîbên şoreşê û armancên Sûrî ji bo wan di azara 2011an de derketin bigihên hev, em bêkêriya civaka davdewletî li hember binpêkirinên rijêma Esed ku Îsraîla dagîrker û rêxistinên tîrorîst sûdê jê werdigirin ji bo pêkanîna armancên xwe yên taybet lê gelê sûrî yê sivîl nirxê wan datîne şermezar dikin,û em ji civaka navdewletî dixwazin ku berpirsiyariyên xwe yên yasayî û mirovahî hilgire û sînorekî ji tawanên Esed re dijî gelê Sûrî deyne, û em ji Hevbendiya Navdewletî dixwazin ku dest ji durûtiyê berde û bes çavên xwe ji tewanên rijêmê bigire, û divê dawî ji vê qunaxê ji dîroka sûrî re bê danîn, û rêçek ji bo hêvî û daxwazên gelê sûrî pêk werin vebe.   

Daxuyaneyeke Rojnamevanî Hevbendiya Niştimaniya Hêzên Şoreşê û Rikberiya Sûriyê 18 Çêriya paşîn 2014 Yekîneyên parastina gel (ypg) 4 kes li gundewarê Kobanê kuştin, ku hin raportên nûçevanî ragihandin ku ew 4 kes ser bi rêxistina Daiş ve ne, lê çavkaniyên nêzîk ji kesukarên wan tekez kirin ku ew kes sivîlin û ne çekdar bûn û beşdarî di şeran de nekirine,  û ew ji gundê Kefir Zêta ne yê ser bi gundewarê Hemayê ve û ji wan awareyên ku ji mirinê reviyane Kobanê. Hevbendiya Niştimanî behî û seersaxiyê pêşkêşî kesûkarên herçar şehîdan dike, di heman demê de her destdirêjiyeka li ser Sivîlan li her cihekî û ji her aliyekî pirotisto dike, û tekeziyê li ser parastina Sivîlan û pêwîstiya bêalîkirina wan di tevaya karên cengebazî yên li Sûriya dibin dike. Dilovaniya Xweda Ji Şehîdan Re Saxbûn Bo Birîndaran Azadî Ji Girtiyan Re Serfirazî Û Azadî Ji Sûriyan re. Bijî Sûriya.  

Daxuyaniyeka Rojnamevanî Nesir Elherîrî Sekertêrê giştiyê Hevbendiya Niştimaniya Sûriyê 14 çiriya paşîn 2014 Hevbendiya Niştimanî dibîne ku erkê wê ye, bala civaka navdewletî bikişêne li ser ku hêjî rêjîma Esed qeşmeriyên xwe bi biryarên navdewletî dike û biryara 2165 binpê dike, û heta vê demjimêrê ret dike û rê nadê derbasbûna alîkariyên mirovî bo navçeyên Sivîlan yên dorpêçkirî,  û bûye sedemkarê pêkanîna bobelateke mirovî ya berdewam di derheqê 3 milyon welatiyên sivîl di navçeyên dorpêçkirî de, ji encama birçîbûn û sermayê û kêmbûna kelûpelên xwarin û Sûtemeniyê û bilindbûna nirxên wan. Û hêzên rêjîmê bi narincokên tank û hawinan û bi çekên girin ambargehên hawarhatinê yên ku Netewên Yekgirtî derbas kirine armanc kirin, û duhî û bi derbasbûna barhilgirên alîkariyan bo derwazên taxa Elwe'r ya dorpêçkirî li Himusê, hevdem hatin ligel gulebarankirinek dijwar, lewra pêwîste Netewên yekgirtî bi erk û berpirsyartiya xwe rabe derbarî parastina Sivîlan û pêkanîna biryarên xwe namaze biryara 2165 ya taybet bi derbaskirina alîkariyên mirovî bo sercem navçeyan bê pesinkirina rêjîmê.  

Daxuyaniyeke Rojnamevanî Salim Elmislit Berdevkê fermî yê Hevbendiya Niştimanî ya Hêzên Şoreşê û Hevrikiya Sûriyê 13.11.2014 Rêjîma Esed tawankariyên xwe berdewam dike, sûdeyê ji mijûliya cîhanê bi lêdana cihên rêkxistina Daişa tirorist werdirire, û çekên qedexekirî bikar tîne, hewl dide ko hinek Herêmên ji bin kontrola wî derketine vegerîne. Evê sibehê Firokên Esed Herêmên Taxa Cober li Şamê bi mûşekên xaza Kilora jehrîn amanc kirin, di encamê de li gora jêderê Navenda Bijîşkî ya li rex aniya şer, bîst kesan jiyana xwe ji dest dan, herweha Nivîsgeha ragihandinê ya taxa Cober got: doh bi şev Rêjîmê tax bi Xaza kilorê amanc kir, û bi sedema tunebûna peywendî û elektrîkê nûçe nehat belav kirin. Xuya ye ko Hevpeymana Navdewletî ne tenê ji aliyê leşkerî ve bêçare ye ko sivîlan ji bermîlên teqîner û xazên jehrîn biparêze, lê belê Hevpeymanî bêçare ye di hilgirtina berpirsiyariyên xwe derbarî sivîlan de, tev li tawankariyên rojane di ber dîtin û bihîstina cîhanê de dibin, ev mijar bêçaretiya istiratîciya Hevpeymanê aşkere dike û giring e ev istratîcî bête guhertin û Rêjîma Esed jî amanc bikin.

Daxuyaniyeke Rojnamegerî Salim Elmislit Berdevkê fermî bi navê Hevbendiya Niştimanî ya Hêzên Şoreşê  û Hevrikya Sûrî 12 rêbendan 2014 Îroj, sibeha çarşembê û di encama êrîşek bi mûşekan ku dibistana "Keçên Kirnaz" li gundewarê Hema yê Bakur armanc kir, 10 zarok temenê wan kêmî 10 salan şehîd ketin û hindek birîndar bûn. Li gor navenda Hema ya nûçeyan birîndar hatin veguhestin bo nexweşxaneya " Siqêlbiyê" û hêzên rejîmê dever girt, û nehiştin tu kes nêzî cihê teqînê bibe. Hevbendî behînameyekê ji xwedî û kesên zarokan re pêşkêş dike, û şermezariya xwe ji vê tawan û çi kiriyarên destdirêjiyê li sivîlan û bi taybet  zarokan dike tekez dike, her weha tekez dike ku armanckirina sivîlan tawaneke cengê ye, bêyî naskirina ê ku bikar tîne yan sedemên wî çi ne, û dive yên gunehkar li pêş dadgehek rastkar werin ceazakirin.

Daxuyaniyeke Rojnamevanî Salim Elmislit Berdevkê Fermî yê Hevbendiya Niştimaniya Sûrî 1 ê Çêreya Paşî 2014 Hin dezgehên ragihandinê dengoyek derbarê destpêşxeriyeka siyasî ya nû weşandin, dibe wan dezgehan gotin guhertibin yanjî ketine di şaşîtiyekê de, lewra em tekez dikin ku me hîç destpêşxeriyek nû pêşkêş nekiriye bo hîç layenekî, bitenê me gotibû ku me nexşerêyeke tekûz pêşkêşî kongirê Jinêvê kiribû ku ji 24 bendan pêk dihat bi dem û rêşûnên destnîşan kirî bo cêbicêkirina daxuyaniya Jinêvê, di dema xwe de me ev nexşerê radestî şanderê navdewletî kir, û di kongirê Jinêvê de hat pêşniyarkirin, lê belê aliyê dî bersiv li ser neda, û tenha ev destpêşxerî bitenê ji aliyê Hevbendiya Niştimanî hatiye pêşkêş kirin.