Daxwiyanî

20 Tîrmeh 2015 Binavê Xudayê mezin û mehreban Birayên şervan li ser hemû eniyan Xuşk û birayên Sûrî ji derve û di hindur welat de Navçeya Zebedanê ev bêhtir ji du heftiyan e tûşî pilamareka dijwar dibe ji aliyê hêzên rêjîma tawanbar û bi piştgiriya çeteyên terorîst ji Îran û Hizibulaha terorîst û terorîstên Lîwayê Zû Elfiqar yê Îraqê û hin bandên reş û tawankariyê, ku ev pilamar hevdem tê ligel êrîşên zaf yên firok û hilîkopterên rêjîmê li ser heman navçeyê ku navçe hatiye armancekirin bi zêdetir ji 600 bermîl û 300 mûşekî, hevdem ligel bikaranîna çekên mewda dirêj, ligel dorpêçkirina birayên şoreşger di Zebedanê de, bi hewl û hêviya veşartina şikestinên xwe yên li eniyên başûr û bakur.     Wezareta berevaniyê û desteya Erkana hikûmeta demkî êrîşên li ser Zebedanê bi taybetî û yên li ser navçeyên din bi giştî bi pilamareka derve ya Îranê li qelem dide ku bi awayekî diyar û aşkere tên pêkanîn ji aliyên hêzên terorîst bi serkêşiya Îranê û sîxorên wê û bi hevkariya rêjîma tawanbar li dijî gelê Sûriyê, bi vê çendê wezareta berevaniyê û desteya Erkan daxwazê ji Encûmena asayîşa navdewletî dike bo hilgirtina erk û berpirsyaretiyên xwe û danîna sînorekî bo...

Daxuyaniyeke Rojnamevanî Hevbendiya Niştimanî Sûrî tekez kir ko operasiyona danûstandin û şêwirdarî û hevrêziya herdemî bi hemû aliyên kartêker li ser xakê berdewam e, dako Serpereştiya Leşkerî ya bala damezirînin. Ew pêngava pêşî ye ji bo Gelê Sûrî da bi azadiya xwe şad bibe.. Tê zanîn ko serokê erkan Emîd”Ehmed Berî” yê ko karûbar bi fermî bo wî hatiye spartin dako şêwiran bi aliyan re bike digel komîta ji pêkhatiyan ya çavdêr li ser dubare-damezirandina Serpereştiya leşkerî ya bala.   Ev nûçeya ko îro li pêş ragihandinê hate belavkirin ya li ser (Damezirandina Encûmena Leşkerî) ew ne bi bizava Hevbendiyê ve girêdayî ye. Û ragihandina ko îro bi nav kirin (Encûmena Leşkerî ) ya nû ya ji hêla hindek endamên Encûmena berê hat ragihandin tenê ew hewldaneke ji bo nerîna raya giştî tevlihev bike, di heman çaxê ko Hevbendî bizavê dike bi alayên şervan re da Serpereştiya Leşkerî ya yekbûyî damezirîne.   Hevbendiyê destnîşan kir ko ji erkê her kesî ye guhdanê li paşeroja Sûriyê bike, da ew Şoreş biser bikeve, eger serpereştiyên Encûmena çûyî bin an yên din gerek bi berpirsiyariyê hest bibin û gerek piştgiriya bizava Hevbendiyê bikin, û hevrêziyê digel alayên şervan bikin ne ko wê birawestînin....

Gotar Binavê Xudayê mezin û Mehreban Xizim û birayên min, Sûriyên xweştivî, gelî xwergir û qehremanên li hember dirindetirîn dijmin û pîstirîn zordarî Bo hilgirên xetîrên azadiyê, bo dîl û girtiyên me yên dilêr Bo dayikên dîl û girtî û şehîdên me; Tevlî êş û azaran, ji mafê we ye hûn ahengê bi cejna pîroza ya Xweda daye me bikin, û hûn zarokên xwe bibînin kêfxweş digirnijin ,ew girnijîna zordar hewl daye li ser lêvên wan nehêle. Heyva Remezanê, heyva serkeftin û têkşikandina zordar û destek û çeteyên wî bû, û tabûr û hêzên şervanan li Idlib û Der'a û Helebê destkeftinên mezin bidest xistin li dijî dagîrker û çeteyên Hizibulaha terorîst û mêlîşeyên tayîfî li Qlemûn û Zebedanê. Piştî ku rêjîm têkşikestî û piştgirên wê ji rawestandina Şoreşa me bêhêvî bûn, bi şêweyekî neçaverêkirî bi zêdekirina tawanên xwe rabû, ku hejmara şehîdên heyva Remezanê gihişt 2420 şehîdan û di nav wan de 300 jin û zarok, ku sêyekî şehîdan ji Helebê ne û yên din ji Zebedanê û gundewarê Idlib û Xûta Şamê ne, hatine şehîdkirin bi bombebarankirina hêzên Esed ji wan re bi sedên mûşek û bermîlên teqîner, piştî jidestdana kontrola xwe ji 75% ji xaka Sûriyê, biqasî...

Daxuyaniyeke Rojnamegerî Ta Niha ew kîna tawankarî ya di 30ê meha Avdara 2011an di gotara Esed de bû, her roj diteqe û û şewatê pêk tîne, û her roj  tekez dike ku Sûrî ji serê rejîmê û destekên wê re, tenê sotemenî ye bo mana di desthilatê de,  û ew bo vê yekê  amade ye dîroka wê a kevin, û niha, û pêşerojê jî bişewitîne. Ne nû ye, tiştên ku hêzên Esed kirine, dema ku tonêla di bin dîwarê keleha Helebê a dîrokî ya paşmayî a di ser lîsteya cihên keleporê cîhanî de û di Yonîsko de tomarkirî ye teqandin, di encamê de beşek ji dîwarê wê hate xwar. Ev tawan û binpêkirin li gor siyaseta Esed a tawankariyê, wêranê, neguhdana tu nirxên mirovahî û şaristanî rêbazkirî ye, û bi awayekî riswakirî diyar dike ku mana Esed  di desthilatê de  metirsiyek li ser çarenûsa Sûrî, millet, û şaristaniya wê ye. Tiştê ku Esed kiriye em şermezar dikin, ji Netwên Yekbûyî dixwazin ku pirsiyariya xwe ya yasayî derbarê sivîlên Sûrî, dewleta Sûrî, û şaristaniya wê hilgre.  Mistefa Oso Cîgirê Serokê Hevbendiya Niştimanî Bo Hêzên Şoreşê û Hevrikiya Sûrî 13ê Tîrmeha 2015an  

Daxuyaniyeke Rojnamevanî Bi xemgînî û bi dilekî  bawer bi ferman û dadweriya Xweda, me nûçeya koçkirina dawî ya qiralê payedar Siûd Elfeysel bin Ebdulezîz Al Siûd bihîst. Ez bi navê xwe û bi navê gelê Sûrî û Hevbendiya Niştimanî ya Hêzên Şoreşê û Hevrikiya Sûriyê sersaxiya Qiralê  Siûdî Selman bin Ebdulezîz Al Siûd dikim û ji hemû malbata qiralî û gelê Siûdî re sersaxiyê dixwazim. Emîrê koçkirî dîdevanê qonaxeke dirêj bû  ji serbora herêmê, û roleke pir giring lîstiye ji gava ko bû wezîrê karûbarê derve yê Siûdiyê ji bo piştgiriya mafê Ereban û parastina yekîtiya gel, her wiha di piştgiriya gelê Sûrî de û li kêleka me rawestiyabû. Em ji Xwedayê dilovan hêvî dikin ko ewî bi buhişta xwe şad bike. Xalid Xoca Serokê Hevbendiya Niştimanî ya Hêzên Şoreşê û Hevrikiya Sûriyê 09.07.2015

Daxuyaniyek Rojnamegerî Piştî berdewamiya şerê Bahoza Başûr, pêşketina bûyeran û lezgîniya wan li ser hemû eniyan, diyar dike ku herifandina rejîma Esed bi awayekî rastîn dest pê bûye, bi taybet di dema armanckirina şoreşgeran ji xetên wî yên berevaniyê yên yekem re . Rejîm hîn nikare tu awayî bo derengxistina herifandina xwe bibîne, ji bilî bumbebarankirina hovane û bermîlên teqîner ku bi ser sivîlan de davêje, ku êrîşa vê dawiyê li ser bajarê Der`a û Zebedanê tekez kir ku ew di hewldaneke têkçûyî de ye bo şoreşvanan neçarî paşketin û vegerê bike. Rejîma Esed bersiva pêşveçûna şoreşvanan li Der`a û Zebedanê û binketina hêz û milişiyên bi ser ve li hemû eniyan da, bi dijwarkirina bumbebarankirina bi balafirên cengê, sarûx, û bermîlên teqîner ji navendên sivîlan re li taxên Der`a- Elmedîne, û hejmarek ji gund û bajarokên derdorê armanc kirin, di encamê de kuştarek li bajarokê Nesîb çêbû û bêtir ji deh kesan şehîd ketin, şehîdek li bajarokê Besra El – Herîr ket, herweha birîndarin li Der`a Elmedine. Di dema ku rejîm li derdora bajarê Zebedanê li sivîlan teng dike, di riya birîna riya Şamê ku nahêle xwarin û bûjenên sereke di meha Remezanê de ji bêtir 10 hezar malbat...

Daxuyaniyek Rojnamegerî Ji bilî zincîra binpêkirinên ku derheqê jina Sûrî de bûne çi revandin, girtin, tundiya cinsî, koçkirin, û mişextî li ser destê rejîma Esed, dest bi zincîrek dî ji pinpêkirin û tawanan ku nekêmî hovîtiya ku I ser destê rêxistina Dewletê a tirorist dibe. Endamên rêxistinê duh hejmarek kes li Gundewarên Dêra Zorê bi awayin pir tirsnak û hovane serjê kirin, di nav wan de du jin jî hebûn, herweha komek ji binpêkierinên dî  ku rêxistin li deverên deshilatiya xwe derheqê jina Sûrî bi taybetî pêk tine. Ger em di Hevbendiyê de van tawanên kirêt derheqê jina Sûrî de ji hemû aliyan ve û di serî de rejîmam tawankar û rêxistia Dewletê a tirorist şermezar dikin, em tekez dikin ku ev binpêkirinên beloq encama neguhdana cîhanê û Civaka Navdewletî  a li ser tawanên Esed ên berdewam derheqê hemû milletê Sûrî de. Ji ber vê yekê em Civaka Navdewletî û hemû desteyên hawarçûnê dixwazin destwerdanê û parastina jina Sûrî ku misogeriya sereke ji bo neherifandin û helandina tiştê mayî ji civaka Sûrî ye bikin . Û helwestin dijwar di heman dema ku dosya rewşa Sûrî diçe ber destê dozdarê giştî di dadgeha tawanên navdewletî dixwazin. Nexem El – Xadirî Cîgirê...

Daxuyaniyeke Rojnamevanî Daxuyaniyên vê dawiyê yên sikirtêrê giştî yê Komkara Erebî Nebîl Elerbî li ser pêşniyarkirina boçûnekê derbarê Hikûmeta yekgirtiya Niştimanî red kir; ji ber ku ew boçûn ji aliyekî ve beruvajî naveroka daxuyaniya Jinêv e, ya ku di deqa xwe de tekeziyê li ser damezrandina desteyeka Fermanrewiya veguhêz bi tevaya desthilatdar û destewajoyên cêbicêkar dike û di nav de desthilat û destewajoyên serok -Komar  ku Encûmena Ewlekariyê bi xwe daxuyaniya Jinêv wek  destpêk bo çareseriya Siyasî di Sûriyê de pesend kiriye. ku guhertina sîstema siyasî ya stemkar ya niha bi awayekî ji kok ve û giştgîr, û tevî guhertina serok û serkirde û damudezgehên ewlekarî yên wê; ew armancê şoreşê bûn yên ji bona wê miletê Sûriyê derket, lewra em di Hevbendiya Niştimanî de tekez dikin ku her pêşniyarek hewla zivirandina derziya demjimêrê ber bi paş ve bide, yan derbasî hin mijaran bibe û çavê xwe ji rêkeftinên bûyîn derbarê çareseriya siyasî bigire ; dibe corek ji tevlîhevkirina kaxet û pelikan û yekser dikeve di berjewendiya hêzên stemkar û terorîst de. Salim Elmislit Berdevkê Fermî yê Hevbendiya Niştimanî ya hêzên Şoreş û Rikberiya Sûriyê 30 cehzeran 2015

Daxuyaniyeke Rojnamevanî Hevbendiya Niştimanî teqîna terorîstî ya mizgefta Elsadiq li Kiwêtê şermezar dike, û hevdem rawestandina xwe li tenişt dewleta Kiwêt û miletê wê dupat dike, û sersaxiya malbatên qurbaniyan dike û hêviya saxlemiyê ji birîndaran re dike, û dubare baweriya xwe bi karîna serkirdayetiya Kiwêt dijî ramanên tarîperest û şikestî nû dike. Herwiha ev şermezarî dighêje herdu teqînên terorîstî, ya li Tûnis ku 19 kes bûn qurbanî û herwiha teqîna kargeha li Parîsê ku bû egera kuştina kesekî û birîndarkirina hinên din, û piştgiriya xwe bo malbatên qurbaniyan tekez dike. Ev hizr û ramanên tarî yên ku xwîna mirovan helal dikin û sivîlan armanc dikin û agir û tevlîheviyê çêdikin, û bi kiryarên tawankarî xwe dide diyarkirin, ku rastiya ramanên çewt û êdolîjiyên bikîn dide xuyakirin, ku pêwîst e Civaka Navdewletî li hember vê felaketê helwesteke vebir û yekalî bigire li dijî çavkanî û rêvberên terorê li ser asta herêmê û Cîhanê. Salim Elmislit Berdevkê fermî yê Hevbendiya Niştimanî ya hêzên Şoreş û Rikberiya sûriyê 26 cehzerdan 2015

Daxuyaniyeke Rojnamevanî Tiştê ko Rêkxistina Dewletê ya tirorist bi tundûtûjiyê û koçberkirina kotekî ji Sivîlên Kurdan re li Bajarê Reqayê dike pirotestokirî ye û nayê pejirandin. Miletê Sûriyê yê ko bi hemû pêkhatiyên xwe ve bi hevûdu re jiyaye, evan tawankariyan napejirîne û red dike û li himber wan bêdeng namîne. Berpirsiyariya navdewletî eşkera ye li pêşberî evan tawankarî û zêdegaviyên ko Rêkxistina Dewletê û Rêjîma Esed di derheqê miletê Sûrî de dikin, gerek Civaka Navdewletî dest ji rêbaza xwe ya siyasî ya nuha berde, û hewlesteke tund bide da di rûyê evan tawankariyan de raweste û sivîlan biparêze. Salim Elmislit Berdevkê fermî yê Hevbendiya Niştimanî ya Hêzên Şoreşê û Hevrikiya Sûriyê 26.06.2015