Daxwiyanî

Daxuyaniyeke Rojnamevanî Tawanake ragihandî ye, herkes wirdekarî û hêmanên wê nas dikin, heger eşkere bînin yan neênin ziman, hemû dizanin ku ew alîyê tawankar her rêjîm e ku karîn û desthilat û vîna tawankariyê bo encamdana tawanê di destê wê de heye, herwiha sercem alavên berhemhênan û sazkirin û bikaranîna çekên kêmyawî yê hatî bikaranîn di encamdana vê tawanê de di dest wê heye, binav berpirsê tawanê nas dikin û herwiha navên encamderên wê yên pileberz jî nas dikin, dizanin çawa tawan hatiye kirin û paşî çawa ew çek bi bêşermî hatiye radestkirin. Tevlî derbasbûna duwemîn salvegera wê tawanê ku hêjî tawanbar serbest e, û kesukarên 1507 şehîdan çaverêyên helwestek navdewletî ne ku bigehêje ast qebarê tawankariya di derheq xweşteviyên wan de, lê çi helwestê nabînin û herwiha çi rêşûnekê nabînin ku rê bigire li pêşiya dubarekirina van tawanan, ku hêjî ava serê Sûriyan dikele û mirin raserî serê wan e bi çek û bi her alavekên kuştinê yên berdest, ji kêr û şûran destpê bike û heta bigehêje mûşek û bermîlên teqîner û heta bi çekên kêmyawî jî, ku Tora Sûrî ya mafên mirov 125 binpêkirinên hêzên Esed ji biryara 2118 re ya Encûmena Ewlekariyê belge kirine, ku ji...

Daxuyaniyeke Rojnamevanî Armanckirina rêjîma Esed ji her karekî ji karên hêzên Şoreş û opozisyona Sûrî re yên ji bona vegerandina jiyana bajarvaniyê û rêxistina karê navçeyên rizgarkirî, armanc û mebestên rêjîmê di belavkirina gelemşe û tevlîheviyê de eşkere dike, ji bona rê bête xweşkirin li pêş rêxistinên terorîst, ku duhî firokên cengî yên rêjîmê bi bêhtir ji êrîşeke esmanî rabûn li ser bajarê Heresta li gundewarê Şamê, hevdem bû ligel gulebarankirineke dijwar bi top û hawinan û kombûna çeteyan ji bona êrîşkirina bajêr , 12 kes şehîd ketin di nav wan de 5 kadiroyên Encûmena Xwecihî û bergiriya sivîl bûn, û tevî birîndarbûna bi dehên kesan û wêrankirina gelek xaniyên welatiyan û wêrankirina avahiya bergiriya sivîl. Berdewambûna siyaseta hovane ya rêjîma Esed, hevdem ligel bêkêriya Civaka Navdewletî di standina rêşûn û rêkarên kara û vebir bo rêgirtina li vê tawankariyê û parastina sivîlan, bi xwe bêdengî ye li ser terora dewletê, û bizavên çareseriya siyasî lawaz û beravêtî dike û herwiha nimiztirîn astên seqaya guncayî ji bona pêşvebirina pirosêsa siyasî nahêle, ya ku destpê nebe bê rawestandina kuştinê bi yekcarî, û bê qedexekirina tawankariya rêjîmê ya berdewam ya sivîlan û bermayên binyatên jiyana bajêrvanî li Sûriyê armanc dike. Hevbendiya Niştimanî...

Daxuyaniyeke Rojnamevanî Hevbendiya Niştimanî ya hêzên Şoreş û rikberiya Sûriyê  û ligor biryara Encûmena Ewlekariyê hejmar 2165 ya tekest dike li ser derbaskirina alîkariyên mirovî bo navçeyên dorpêçkirî bê wergirtina erêkirina desthilata Esed, daxwaza encamdana rêşûnên bilez yên hawarçûna xwarin û saxlemiyê yên pêwîst dike ji bona rizgarkirina giyanê sivîl û birîndarên bajarê Dûmayê. Ev bobilata mirovî ya ji encama êrîşên rêjîma Esed û Îrana dagirker di van rojên bûrî de li ser bajarê Dûmayê bû, ya ku bûye bajarekî wêrankirî û têde bi sedan birîndar dijîn ku pêwîstiya nêzîkî 300 kesî ji wan bi karên niştergeriyê heye û neştegirî ji wan re nayên kirin ji ber dorpêça li ser bajêr, lewra pêwîstiya Dûma bi hilmeteka bilez heye bo derbaskirina alîkarî û alavên pêwîst bo rizgarkirin û raguhestina wan bo cihên tenah ku alavên tenduristî lê hebin ji bona encamdana karên niştergerî. Herwiha pêwîst e pêdawîstiyên biryara Encûmena Ewlekariyê 2139 bêne bichkirin ya tekeziyê dikin li ser qedexekirina bikaranîna bermîlên teqîner û çekên bitewşî di navçeyên akincîdar de, û dest bikarê rakirina dorpêçê di zûtirîn dem de ji ser sercem navçeyên dorpêçkirî ji bal mîlîşeyên Îranê û çeteyên Bişar, û derbaskirina alîkariyên xurdemenî bo hemwelatiyan. Heta niha hêjî tawankarî yekem...

Xalid Xoce Serokê Hebendiya Niştimanî Sûrî 17ê Tebaxê 2015 Bi Navê Yezdanê Dilovan Duh, rejîma Esedî a tawankar di zincîreke kuştaran de li Idlib û Der`ayê, û herweha li bajarê Dûma ê bi ser bajarê Şamê ve jî, bi sedan ji sivîlên Sûrî kuştin, dema firokên cengî êrîş birin ser sûkeke gelêrî di çaxa ku xelkên Dûma ên dorpêçkirî hindek pêdiviyên rojane û xwarina ku li gel wan maye bi hev re diguhertin, piştî du salan ji dorpêçkirina bînçikên ku ew jî ji tawanên cengê û tawanên dijî mirovahiyê ye, û li tawana qirkirina berdewam zêde dibe, a di dorpêçkirina giştî û birçîkirina ta mirinê de diyar dibe ku derheqê  xelkê Gundewarên Şamê pêk tê. Firokên cengê ên rejîma tawankar bi awayekî kîndar û berdewam bo kuştinê sûk di cara yekê de bumbebaran kir, û piştî kombûna xelkên bo xelaskirina birîndaran, firokeyan bumbebarankirin gelek caran dûbare kir, û birîndar û kesên di gaziya wan de hatibûn bi awayekî pir hovane û tirorî armanc kirin ku gihişt asta hovîtiya destpêkî û kîna  dijî mirovan. Wêrekiya rejîma Esed û zêdegaviyên wî di pêkanîna kuştaran derheqê sivîlan de li ser dirêjahiya 53 heyvên berdewam, sedema wê bêdengiya navdewletî ye ku digihêje asta hevparî...

Daxuyaniyeke Rojnamevanî Firokên Esed û bi piştgiriya mîlîşeyên Îrana dagîrker zincîrek ji êrîşên esmanî yên berdewam pêk tîne li ser bajar û bajarokên Dûma û Zebedanê û Idlibê di çarçoveyê pirogramê bombebarankirinê de. Ew êrîş ne bitewşî  ne, ji ber ku ew firok mûşekên arestekirî bi mebesta bi ser sivîlan de dibarînin, bi armanca kuştina hejmarek mezin ji sivîlan bi taybetî di dema demjimêrn qerebalixa bazargeh û şeqaman de. Herkes dizane ku armanckirina navçeyên sivîlan li ser tawanên şer û bi binpêkirina yasa navdewletî têne pejirandin, li jêr çi hêncet û behaneyekê be, lê tawanên rêjîmê bi gelekî ji astê van tawanan dijwartir in, ji ber armanckirina sivîlan di serê lîsteya armancên bombebarankirinê de tê, bi hewla kuştina zêdetirîn hejmar ji sivîlan di her êrîşekê de. Niha û hevdem ligel bombebarankirina berdewam li ser Dûma ku hejmara şehîdan zêdetir dibe, û zehmetî dikevin li pêş karên tîmên hawarhatin û saxlemiyê di veguhestin birîndaran û çareserkirina nojdarî de, nemaze ligel kêmbûn û lawaziya hebûna derman û pêdawîstiyên pizîşkî yên rewşên awarete, bi taybetî ku ev navçe bêhtir ji sê salan ve dorpêçkirî ye. Îro nêzîkî 100 kesê sivîl şehîd ketine û 300 birîndar bûne, ji encamê bombebarankirina hovane li ser bazargeha...

Daxuyaniyek Rojnamegerî Nûçeyên çêbûna yaxiyê li zindana Hema ya anavendî  ji aliyê girtiyên sivîl û yên siyasî û gihiştina ketîbeya bi navê (Parastina Ewlehiyê) tê naskirin, tirsnak e. rewşa xirab a li wir û zexta berdewam ku girûpa ewlehiyê a vê dawiyê rêvebirê girtîgehê li wê zindanê pêk aniye nayê texmînkirin. Diyar e berdewamiya işkencê, birçîkirinê, zêdebûna lêdan û işkenceya pîlankirî û rêbazkirî derheqê wan hiştiye ev rewş derkeve holê. Merov nikare tu pîvana ewlehî û baweriyê bide tu sozên ku rejîm di riya operasyona gotubêjkirinê de pêşkêş dike, ku di navbera girtiyên yaxîkar û wî de dibe, ji ber lîsteya wî bi xiyaneta soz û peymanan dagirtî ye. Hevbendiya Niştimanî ji Civaka Navdewletî dixwaze, pirsyariyên xwe derbarê girtiyên Sûrî di binê zindanên tê de têne girtin hilgire,  zextê bi hemû awayan bo berdana wan bike, û parastinek tekûz ji wan re peyda bike. Hemû rêxistinên pispor ji wan tê xwestin pirsyariyên xwe hilgrin û di serî de Xaça Sor, ku divê nûnerên wê serdana girtîgeha Hema  a Navendî  bikin, û li rewşa girtiyan bipirsin,heta bighê Encumena Ewlehiyê ku divê şandên navdewletî serdana girtîgeh û zindanên rejîmê bikin, û lêpirsînê  di şêweyê karê rijîmê yê ewlehî û fermanên neyasyî û...

Daxuyaniyeke Rojnamevanî Qehremanên Zebedanê, hilgirên xetîra Şoreşa Sûriyê baş dizanin ku hîç encamek ji wan danustandinên bi nûnerê Îrana dagîrker û çeteyên Hizibulaha terorîst re nîne ji bilî xweragiriya wan li eniyên bergiriyê, di dema ku Hevbendiya Niştimanî destweşiyê li şoreşgeran dike û bi bilindî xweragirî û himeta wan li deşt û çiyayên Zebedanê dinirxîne, hevdem serbilind e bi xîret û qehremaniya hemû şoreşgerên Sûriyê, yên bilez êrîşî serbazgeh û wargehên rêjîmê kirin bi armanca sivkirina bargiraniya li ser milê birayên xwe li Zebedanê, ku rastiya silogana "gelê Sûriyê yek e" di rovejê de hat çespandin. Danustanên nûnerê Îrana dagîrker bi şoreşgeran re bêhtir giringî didan koçberkirina xelkê Zebedanê, û karkirina ji bona bicihkirina çeteyên xwe piştî pêdana nasnameya sûrî bo wan, da Zebedanî bibe deverek alîgir ji Esed û Îranê re di çarçoveyê pirojeyekî dabeşkirina tayîfeperest de ya ku rêjîma Îranê hewla pêkanîna wê li Sûriyê dike bi rêka koçberkirin û guhertina dîmografî re. Wek hercar û digel her têkşikestinek serbazî, rêjîma Îranê û çeteyên  Hizibulaha terorîst xwe biserketî didin xuyakirin, tevî ziyanên wan yên mezin di sercem navçeyên Sûriyê de, herwiha tevlî êrîşên esmanî û bikaranîna bermîlên teqîner û mûşek û çekên corbicor li dijî bajarê Zebedanê, lê...

Daxuyaniyeke Rojnamevanî Biwara tawankarî ya berdewam ko Rêjîma Esed dike, li ser civaka Navdewletî feriz dike ko parastina Sivîlan bi hemû awayan bike, di serî de dabînkirina Herêma aram. Çimkî hêzên Rêjîmê di 48 demjimêrên buhurî de çendîn kuştar pêk anîne û bêtir ji 120 kesan şehîd ketine, her wiha bi sedan birîndar bûne. Herêmên ko amanc bûne Idlib, Me’eret Misrîn, Seqba, Dûma, Dareya û herêmine din.   Her wiha û di berdewamiya êrîşên ko dibêjin yên hêzên navdewletî li dijî tiroristiyê ne , dide diyarkirin ko sivîl jî têk çûne, bi taybetî ew yên ko li ser bajarokê Etma ya dikeve ser sînorê Tirkiyê, ev mijar gerek vekolîn li ser bibe û yên ko ev kirine bêne siza kirin. Pirotestoya rastîn ji tawankariyên Rêjîmê re ew e ko Hevpeymana Navdewletî lêvegera istiratîciya xwe bike û biryareke tund û lezgîn bide dako herêmeke aram feriz bike, û desthilatdariya Rêjîma Esed ya tirorist li wir bidawî bike. Ji ber ko ew sivîl û taxên niştecihan amanc dike. Her wiha dê karîna Rêkxistinên tirorist û Çeteyan têk bibe. Ewê bihêle ew aramiya ko Rêjîma Esed û Rêkxistinên tirorist têk biriye vegerîne. Hem jî dê destê xwe deynin ser ewê gelemşeya bi encama...

Daxuyaniyeke Rojnamevanî Damezrênerê Navenda Sûrî ya Ragihandinê Mazin Derwîş yê ko ev bû sê sal di zindanên rêjîmê de girtî bû îro hate berdan. Tev ko Mazin hêj wê vergere ber dadgehê, çimkî ew li bal Dezgehên Ewlekariya Rêjîmê bi “navtêdana kirdeyên tiroristî” tawanbarkirî ye, û roja rûniştitina dadgehê 31.08.2015 ji bo hukumkirinê hatiye destnîşankirin. Bi navê xwe û bi navê hemû Sûriyan ez pîroziya Rojnamevan Mazin Derwîş dikim sebaret berdana wî ji girtîgehên Rêjîma Sûrî û hevdîtina wî bi xelkên wî re ko bi azadiya xwe şad bû. Revandin, girtin û êşkencekirina Çalakvan û Rojnamevanên Sûrî bi destê Ewlekariya Rêjîmê, wan ji hêza wan naxîne û berevajî vê wan bêtir bihêz û xurt dike. Di heman çaxê ko em derketina Rojnamevan Mazin Derwîş yê ko xelata Yonisko ya sala 2015an û xelata “Nûçegihanên bêsînor” sala 2013an wergirtiye ji Zindanê pîroz dikin, em doza berdana hemû Girtiyan û kesên hatine revandin  dikin, ew derdê ko dikêşînin ji wijdan û bextê her mirovekî Sûrî yê dilsoz ne veşartî ye. Salim Elmislit Berdevkê fermî yê Hevbendiya Niştimanî ya hêzên Şoreşê û Hevrikiya Sûriyê 10.Tebax.2015

Daxuyaniyeke Rojnamevanî Ew tawana Sulêman Esed derheqê hemwelatiyê Sûrî Hesan Elşêx li pêş çavên zarokên wî kir, nimûneyeke ji wan tawanên rojane û berdewam rêjîma Esed hêz û mêlîşeyên hevalbendên xwe han dide ji bo pêkanîna wan di serkutkirina gelê Sûriyê de. Em pir xemgîn bûn, û her mirovekî bi rûmet xemgîn bû, li ser dîmenên wan zarokan û li ser derdên zarokên Sûriyê û kişandina derdeseriyan li ser destê rêjîmek stemkar û gendelkar û dagîrker, ku hemû şêweyên tawankariyan bikar tîne li dijî hemû xelkên Sûriyê. Tawana duhî li ser destê kurmamê Beşar Esed li Laziqiyê wek tawanên berê li Der'a bûn, û zarokên bêguneh bûn qurbanî, û tawana Atif Necîb kurê xaleta Esed ya berî pênc salan derheqê zarokên Der'a anî bîra me. Em li bîra herkesî tînin ku Şoreşa Sûriyê ji bona avakirina sîstemek dadperwer ku dawiyê li stem û bedkariyê bîne destpê kir, lê li hember wê rêjîma Esed her ji destpêkê de, çek û şebîheyên xwe bikar anîn, ku ew şebîhe hevşêweyên Sulêman Esed û Atif  Necîb in, ji bona mana xwe li ser kursiyê desthilatê, bê guh bide li dengê aqil û wijdana miletê azadîxwaz û herwiha li dengê tiyên pêkanîna dadperweriyê bo hemû...