Daxwiyanî

Hevbendiya Niştimanî ya Sûrî, êrîşa terorîstî ya bi rêya otombîleke bombekirî li bazara bajarê Ezazê li gundewarê Helebê yê bakur di nîvê şeva yekşemê de, û di encamê de hejmarek sivîl hatin kuştin (bi kêmanî du zarok û jinek di nav de hebûn) û birîndarkirina hejmareke din, û ziyan giheşte gelek dukan, mal û hin otombîlan şermezar dike, û tekez dike ku ev operasyonên terorîstî giringiya karê ji bo rûbirûbûna milîsên terorîst û dadgehkirina tawankarên ku ev êrîşa hovane pêk anîne û dadgehkirina wan ji bo cezakirina wan bi awayekî adilane zêde dike.

Hevbendiya Niştimanî pîrozbahiya dayîkên Sûrî dike bi helkefta Roja Dayikê û şanaziya xwe bi rola wê diyar dike, ji ber ku jina sûrî li hember neheqiyê serî hilda û dengê xwe li hember kiryarên hovane yên rêjîma Esed ên li dijî xelkê bilind kir, û bû sembola xweragirî, fedakarî û moralên bilind, tevî rewşa şer a tirsnak û krîzên li pey hev ên wî şerî peyda kirine.

Hevbendiya Niştimanî ya Sûrî bi helkefta cejna Newrozê, pîrozbahîya gelê Sûriyê bi giştî û gelê me yê kurd bi taybetî dike. Newroza ku sembola azadî û rizgarbûna ji zilm û stemkariyê ye, semolîya wê hevbeş e li gel daxwazên şoreşa Sûriyê yên dadmendî, azadî, demokrasî û hemwelatîbûna wekhev.

Bi helkefta sêzdemîn salvegera şoreşa Sûriyê ya gewre, Hevbendiya Niştimanî ya Sûrî rêz û silavan arasteyî gelê me yê xweragir ê ku li dijî rêjîma Esed têdikoşe dike, û xebat û viyana Sûriyan di şert û mercên dijwar de li hemû herêmên Sûriyê bilind dinirxîne, Sûriyên şoreşger ên ku peykerê stemkarî, zordarî û bêdadiyê hilweşandin, û demgê xwe ji bo azadiyê bi awayekî aştiyane di xwepêşandanan de bilind kirin û qurbanî dan.

Îro Hevbendiya Niştimanî Sûrî bîstemîn salvegera serhildana kurdên sûrî ya di 12ê adara 2004an de li dijî rêjîma Esed bi pêk hat bîr tîne, ew raperîna ji bajarê Qamişlo dest pê kir û giha Amûdê, Efrîn, Kobanî, Helebê û ta bi Şamê vegirt.

Hevbendiya niştimanî ya Sûriyê bi boneya Roja Cîhanî ya Jinan, têkoşîn û destkeftên jinên Sûriyê li ser hemû astan, tevî şert û mercên dijwar ên rêjîma Esed li piraniya navçeyên Sûriyê, bilind nirxandin, herwiha beşdarbûna wan di şoreşa Sûriyê de û tevgera wan bi awayekî kartêker ji bo azadî, rûmet û demokrasiyê bi bîr anî.

Hevbendiya Niştimanî ya Sûrî dijminkariya milîsên PYDê yên terorîst li ser baregeha Encûmena Niştimanî ya Kurdî li Amûdê li parêzgeha Hesekê û şewitandina wê şermezar dike, û tekez dike ku armanca wan milîsan tirsandina xelkê û têkdana her tevgereke siyasî ya ne li gor wê û planên wê yên terorîstî dixebite ye.

Pêkanîna Milîsên Îranê yên têrorîst, roja 6ê vê mehê, ji komkujiyek hovane re li biyabana başûrê Dêrezorê li nêzîkî gundê Kebakib ku di encamê de zêdetir ji 40 kesî jiyana xwe ji dest dan û bi dehan jî birîndar û winda bûn, dema ji bo dabînkirina nanê xwe yê rojane dixebitîn, komkujiyeke hovane û tawaneke şer e, hewcedarî helwesteke navdewletî ya cidî ye ji bo xwestina hesab ji van milîsan û yên ku ew anîne Sûriyê.

Derbarê “Komelkujiya Ard” ya ku Îsraîla dagirker li Xezzeyê pêk aniye Daxuyaniyeke Rojnamevanî Hevbendiya Niştimanî ya Sûrî, bi tundî komelkujiya hovane ya ku ji aliyê Israîla dagîrker ve li dijî komek sivîlên bêçek ên li benda alîkariyên mirovî bûn li Gazayê roja Çarşemê 28ê Sibatê êvarî pêk anî û 112 sivîl tê de bûn qurbanî şermezar dike, û vê kiryarê wek beşekî ji şerê qirkirinê yê ku ji aliyê dagirker ve li dijî birayên me yên Filistînî tê meşandin dibîne. Îsraîla Dagirker birçîbûnê li gel gule û mûşekan weke çekekê bi kar tîne û pê şerê Filistîniyan dike, û sûdê bêdengiya navdewletî û necedîbûna tevgera wê ya ji bo rawestandina tawanên ku bi mehan e bi tundî berdewam in werdigire, ku di encamê de rewşa mirovî bi awayekî tirsnak têk çû û hejmara qurbaniyên bêguneh pir bilind bû. Em tekez dikin ku berpirsiyariya yasayî û exlaqî ya rawestandina tawanên dubare û binpêkirinên yasaya navdewletî û mafên mirovan ji aliyê Israîla dagirker ve li Gazayê li ser milê Encumena Ewlekariyê û civaka navdewletî ye, û daxwaza bizaveke navneteweyî û erebî ya lezgîn dikin ji bo rizgarkirina birayên me yên Filistînî ji vê jenosîda rêbazkirî. Em sersaxiyê ji gelê Filistînê yê bira...

Hevbendiya Niştimanî Sûrî bi tundî gurkirina metirsîdar ji aliyê rêjîma Esed ve dijî xwenîşanderan li parêzgeha Siwêdayê şermezar dike, ku îro yekem xwenîşander bi gulleyên milîsên ewlekariya rêjîma Esed hat şehîdkirin, dema xwepêşandaneke gel li nêzî hola 7ê Nîsanê ya li navenda bajarê Siwêdayê bi fîşekên rasteqîn hat armanckirin.